ASEA Fasefik TL Númeru 1 Feto Tur Iha Parlamentu
Naunil media (Díli), Sekretaria estadu Igualdade e Inklusaun (SEII) hateten, Iha Asea, nasaun Timor-leste 40% ho númeru 1 feto nia partisipasaun iha asentu Parlamentar.
“Haree ba Asea Fasefiku nasaun ne’ebé mak feto nia partisipasaun iha parlamentu nasionál ne’e Timor-Leste númeru 1 ita iha 40% feto tur iha asentu parlamentu”, dehan
SEII Maria do Rosário Fátima Correia ba jornalista sira foin halo Lansamentu ba manuál husi CEPD iha Salaun Novu Turismo foin lalais ne’e.
SEII mós sei esforsu oinsa halo advokasia ba iha munisípiu, atu konsidera mós feto nia partisipasaun hodi foti desisaun iha ne’eba, iha mós autoridade lokal iha suku sira.
“Agora dadaun esforsu mós oinsa atu halo advokasia ba iha munisipal sira oinsa atu konsidera mós feto nia partisipasaun hodi foti desisaun iha ne’eba, iha mós autoridade lokal iha sukus 400 i tal sukus, maibé foin lalais iha deit 5% de’it mak feto sai xefe suku 4% xefe aldeia, SEII nafatin hamutuk ho instisaun relavante sira atu nafatin halo sensibilisasaun “, katak nia.
SEII mós enkoraja maluk LGBIT sira no maluk diferentes sira atu bele partisipa mós elisaun munisípal no suku sira. Ivo