CIGC Rekuiñese Kontribuisaun Abitante Sira Iha Kuarentena Obrigatóriu Ba Prevensaun COVID-19 Iha TL

Fahe Tutan

Naunil Media (Díli), Liuhosi Sala Situasaun, Porta Voz Sentru Integradu Jestaun Krize (CIGC-Sigla Portugs), dr. Segio Lobo, hateten nia rekuiñese kontribuisaun hosi Timor-oan sira iha Kuarentena obrigatóriu ninia konstribuisaun tanba fó ona apoiu ba governu konstitusionál da-ualu hodi prevene transmisaun Surtu COVID-19 iha Timor-Leste (TL).

Porta Voz Sentru Integradu Jestaun Krize (CIGC-Sigla Portugs), dr. Segio Lobo, ba jornalista sira liuhosi konférensia imprensa iha Centro de Convençoões de Díli, Tersa (21/04).

Dr. Sergio Lobo, akresenta Timor-oan lubuk ida maka sakrifika sira nia-án hodi kompre kuarentena obrigatóriu durante loron 14, tanba dei’t hakarak fó apoiu ba governu hodi prevene moras corona virus.

“Ita sira iha liur ne’e bele imajina kondisaun estres ne’ebé ita nia maluk sira iha kuarentena sente, ho nune’e mak ita tenki valoriza no apresia sakrifisiu bo’ot ne’ebé sira halo durante ne’e ba nasaun no povu. Atu suporta sira hodi ultrapasa situasaun ne’e, hau husu ba Inan-Aman no família ida-idak atu fó nafatin korajén ba sira, nune’e bele aguenta to’o data hodi re-integra fila-fali ba komunidade” tenia eis Ministru Saúde, dr. Segio Lobo.  

Tuir dr. Sergio Lobo, katak “Sé ita husik sira sai agora mak ema ida hetan hela pozitivu nia sei lori susar bo’ot ba nia família no komunidade tomak, dala ida tan husu ita hotu nia komprensaun ba maluk sira iha kuarentena no sira nia família hotu” apela Sergio Lobo.

Kona-ba dezentendimentu ne’ebé mosu entre abitante otél Lecidere ho médiku sira foin lalais ne’e, dr. Sergio Lobo, esplika kazu ne’ebe akontese bainhira atu halo tranferénsia abitante hirak ne’e ba Otél seluk hafoin deteta nain ida hosi sira pozitivu COVID-19. Hosi ema nain 41 iha Otél Lecidere,  abitante 17 koloka ba Otél Yekiu, nain 17 ba iha Otél Viana, nain neen (6) ba Kuarentena Tibar no nain ida ne’ebé pozitivu ne’e  lori ona ba fatin izolamentu Sentru Saúde Vera Cruz. Ana

Leave a Reply

Your email address will not be published.