Abitante Nain Hitu Re-Integra Ba Sira Nian Família

Fahe Tutan

Naunil Media (Díli), Diretur Unidade Apoiu Jurídiku, Ministeriu Saude (MS), Belarmino da Silva Pereira, informa abitante nain hitu (7) hosi Otél Faról no Luxury, Tersa (28/04) ne’e, re-integra hikas ba hamutuk ho sira nian família hafoin kompleta konfenamentu obrigatóriu loron 14.

Deretur Unidade Apoiu Jurídiku, Ministeriu Saude, Belarmino da Silva, ba jornalista sira hafoin serimonia atribuisaun sertifikadu ba abitante sira iha Otél Faról.

“Ohin loron sira ne’ebe sai hosi kuarentena ema nain hitu, hosi sentru kuarenten Otél Farol no Otél Luxury. Hosi Otél Luxury ema nain haat, feto rua no mane rua, mane ida sei desloka ba munisipiu Baucau ida sei desloka ba Bobonaru, sira nain 3 ne’ebe iha Otél Faról, mane hotu no sira hela iha Díli”, informa Diretór Unidade Apoiu Jurídiku Ministériu Saúde ne’e.

Diretór ne’e fundamenta, abitante nain hitu ne’e kompri ona loron 14 tanba sira tama iha loron 13 fulan Abríl 2020, maibe  iha kuarentena la hatudu sintomas ruma.

“Sira iha Otél Faról tama iha dia 13, horseik kompleta ona loron 14 maibe lahatudu sintomas. Sira iha Otél Luxury mos la iha sintomas, sira mos kompleta ona 14 dias, ohin bele re-integra ba família”, Esplika Nia.

Abitante nain hitu (7) hosi sentru kuarentena Otél Faról no Luxury ne’e kompostu hosi mane nain lima feto nain rua. Entre sira ne’e, nain rua hosi munisipiu, ida ba Baucau, ida seluk ba Bobonaro no nain lima feto rua no mane tolu iha munisipiu Díli. Uar

Leave a Reply

Your email address will not be published.