Falta De’it Loron Ualu Remata EE Ba Fulan Dahuluk Nian, CIGC Tetu Sei Hatodan Liu-tan Regra

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Sergio Lobo, hateten Estadu Emerjénsia (EE) ba fulan ida dahuluk sei falta loron walu deit ona, maibe komunidade barak mak kontinua la obedese ba regra, tanba CIGC sei tetu hikas atu hatodan li-tan regra.

“Ami haree tók, se situasaun ne’e, mak ladun iha obidiensia ba regras estadu emerjénsia maka iha posibilidade sei aumenta médida regras ninian ho pezu para obriga ema tenke kompri regras sira ne’e hotu” hateten Porta voz CIGC, dr. Sergio Lobo, iha Centro de Convenções de Díli (CCD), Sábadu (18/04).

Porta voz ne’e hatutan, presiza regras ne’ebé rigór, tanba informa no sensibiliza mós ema balun lakohi kompri.

“Agora ita sensibiliza no informa de’it ema barak la rona, tanba ne’e ita presiza tau regras forte para sira halo tuir” tenik Nia.

Observasaun Jornalista Naunil Media nian iha terenu  nota katak, maske governu sensibiliza regras ba estadu emerjénsia nian liuhosi meiu oioin, maibé komunidade balun inklui instituisaun balun mós la fó valór ba regras ka médida sira ne’ebé governu fó sai relasiona ho estadu emerjénsia nian. Ana

Leave a Reply

Your email address will not be published.