Identifika Surtu COVID-19 La’ós Liuhosi Teste Raan

Fahe Tutan

Naunil Media (Díli), Porta Voz Sentru Integradu Jestaun Krize (CIGC-Sigla Português), dr. Rui Maria de Araújo, hateten atu identifika moras surtu COVID-19 la’ós teste raan maibe teste sampel hosi ema nia kakorok.

“Nee foti hosi kakorok tamba sientifikamente komprovadu ona katak virus ne’e bainhira da’et ba ita nia fatin barak liu mak iha kakorok depois muda tun ba ita nia paru-paru, tamba ne’e atu teste ne’e foti sampel iha kakorok la’os raan. Ita hasai ne’e parcuma tamba rejultadu atu hetan moras ka lae nee la’os hatudu iha raan”,  Porta Voz CIGC, dr. Rui Maria de Araújo, liu hosi formasaun ba jornalista sira iha Media Senter, Centro de Convenções de Díli (CCD), Sabadu (18/04).

Porta Voz CIGC, dr. Rui Maria de Araújo, hatutan “Iha ne’e agora laboratóriu bele halo ona teste, maibe nia halo ba faze rua, faze primeiru extraksi RNA E-gene, extraksi RNA E-gene nee mak faze ida difisil liu tamba ita extraksin sala entaun rezultadu mos sala, maibe makina teste laboratóriu RNA E-gene no RdRp-gene ne’e detek hotu entaun ita bolu rezultadu konfirmadu, maibe ida de’it mak detekta mak ita bolu Provavel”.

“Teste iha laboratóriu nasionál ita uza tipu Polymerase Chain Reaction (PCR), RNA E-gene  no RdRp-gene mak detekta sampel ne’e rejultadu konfirmadu ka pozitivu maiba ida de’it mak detekta rejultadu provavel maibe entre RNA E-gene  no RdRp-gene la detekta hotu konsidera negative”. Dehan dr. Rui. Uar

Leave a Reply

Your email address will not be published.