MNEK Repúblika Xina Wang Yi sei Hasoru Xanana, Ramos Horta, Alkatiri no PM Taur
Naunil Media (Díli), Tuir orariu ne’ebe husi Ministério Negosiu estrangeiro no kooperasaun Timor-Leste (MNEK), Timor-Leste sei hetan vizita offisial ida husi Konseleiru Estadu ka Ministru Negosiu Estranjeiru República Xina Mr.Wang Yi, ne’ebe sei to’o iha Timor-Leste iha loron 3 fulan Junnu ne’e iha Díli.
iha sesaun Briefing Ho Media nasionál no lokal tantu husi Televisaun ,Radio, Online no Imprime iha sala reuniaun Ministériu Negosiu Estrangeiro, National Director for West, Central, South, and Far-East Asia, Marcos da Costa, informa iha vizita espesial Ministru Negosiu Estrangeiro República Xina Nian ne’e sei hasoru malu ho Lider Nasional Na’in ha’at, Kuarta (01/06).
“Husi líder Nasional nain ha’at ne’ebe mak Ministru Negosiu Estranjeiro República Xina atu hasoru malu mak hanesan líder Karismatiku Kayrala Xanana Gusmão sei hasoru malu iha Edifisiu G7+ , Sekretariu Geral Partidu FRETILIN, Mari bin Amude Alkatiri sei Hasoru malu iha Edifisiu Komite Sentral Fretilin Komoro (CCF-Sigla Português), aktual Primeiru Ministru, Taur Matan Ruak iha Palasiu Governu no Prezidente Republika, Jose Ramos Horta iha Palasiu Prezidensialál Aitarak laran”, katak nia.
Iha briefing ba media, Prezensa Ministru Negosiu Estrangeiro República Xina ne’e iha Timor-Leste, sei selebra mós assinatura memorandum de entendememtu entre Governu Timor-Leste iha área neen (6) Hánesan.
Akordu Transporte Sivil Aero, Ekonómika no Kooperasaun Tékniku; Protokolu iha área saúde; Lisensa ba transmisaun iha RTTL; Troka Notas ba segunda faze ba DTMB-A demonstration project no MoU ba Kooperasaun Agrikultura entre provinsia Hunan Xina ho Timor Leste Liu-Liu iha Munisípiu Manatuto.
Iha Durante Prezensa Ministru Negosiu Estrangeiro República Xina ne’e,Wainhira hasoru Malu ho Líder sira Hanesan Prezidente República , Líder Karismatiku Kayrala Xanana Gusmão no Mari Alkatiri, lá fo Espasu ba Jornalista sira atu halo Entervista ho Ministru Mr.Wang Yi.
Durante iha Sesaun Breafing Ho Media sira , Jornalista sira husu Kona Ba razaun saida Mak Labele entervista Ministru Negosiu Estrangeiro Xina Nian.
Ekipa Responsavel husi MNEK Timor Leste nian,hatan katak, desizaun ne’e husi kedas ministru xina nian ne’ebe lakoi duni atu halo Entervista ho nia nomos lakoi atu halo kontakto Besik nian. Tanba ne’e,iha hela situasaun Covid-19 nian nune’e rejeita atu halo Entervista to’o remata nia vizita iha Timor. Ana
