Komemora Loron Feto Ba Dala-Ne’en, Migrasaun Realiza Programa Sertame
Naunil Média (Díli), Diresaun Jeral Servisu Migrasaun, Komemora loron mundial feto ba dala-ne’en, realiza aktividade kompetisaun sertame ba Membru diresaun sivil, no Polisia Nasional Timor-Leste (PNTL).
Programa ne’e rutina anual ne’ebe sempre realiza hodi komemora loron mundial feto migrasaun nian ba dala-ne’en.
Programa sertame ne’e importante, tanba bele lembra nafatin materia ne’ebe uza kada loron iha servisu fatin. Dehan Diretor Jeral Migrasaun Supertedente Asistente Polisia, Luis Baretto, hafoin halo abertura ba programa ne’e, iha salaun atendimentu Ministeriu Interior, Vila- Verde, segunda,(15/11).
Luis haktuir, Ho kompetisaun programa sertame ka kadi kakutak ne’e nu’udar inisiativa membru Feminina migrasaun nian.
“Programa ne’e inisiativa femenina Migrasaun nian, ho objetivu oinsá atu forma karakter, liu-liu hodi lembra nafatin materia sira ne’ebe hetan tantu materia ne’ebe uza loro-loron ho mos materia ne’ebe hetan iha formasaun,”. Tenik nia
Nianhaktuir, Progrma bele hasa’e nafatin mos membru sira nia kuñesementu hodi prepara-an ba partisipasaun servisu iha futuru ho susesu.
” Programa ne’e importante tebes ba membru sira, nune’e hau kongratula Prezidente feminina Migrasaun ho estrutura ne’ebe organiza programa ne’e hodi nune bele hatene membru sira nia kapasidade ka matenek to’o iha ne’ebe,”tenik nia.Ana
