Biografia Saudozu Domingos “Domin”
Naunil Media (Dili), Saudozu Domingos da Costa dos Santos ho kodigu (Domin) moris iha Mehara iha loron 01 Janeiru1965, Saudozu hakotu nia i’is iha loron, 13 Novembru 2021, tanba ho moras komplikadu, Saudozu hakotu peregrinasaun iha mundu ho idade 55.
Saudozu “Domin” Oan-hosi aman Roberto Gomes da Costa no Saraiva do Céus.
Saudozu husik hela nia kaben Cristinha dos Santos Cruz no oan na’in tolu, mak hanesan, Azay Domingos Costa Santos, Zenifer Cristine Santos, Rivaldo Domingos Santos.
Saudozu hahú nia estudu Eskola Primaria Lospalos iha tinan 1980 to’o 1981. Eskola Pre- Secundaria Lospalos iha tinan 1981 to’o 1983.
Durante partisipasaun luta libertasaun Nasional, iha loron 20 fulan augostu 1975 to’o 6 dezembru 1977, Saudozu nu’udar membru Forsa Armada Baze apoiu. Iha loron 7 dezembru 1977 to’o 30 abríl 1981, saudozu nu’udar membru grupu Forsa Armada Paicau.
Hosi 1981 to’o 1983, saudozu nuudar membru grupu Forsa Armada Loriku Ramelau, iha loron 8 augustu 1983 to’o 31 dezembru 1985, Saudozu nu’udar soldadu kompania autonomu Kuba.
Iha loron 1 janeiru 1986 to’o 31 dezembru 1991, saudozu nu’udar ativisita kompania Bonifacio Pires. Iha loron 1 janeiru 1992 to’o 31 dezembru 1997, saudozu nu’udar Rejiaun Bonifacio Pires no iha 1 janeiru 1998 to’o 25 outubru 1999, saudozu nuudar asistente Polítiku Rejiaun I Ponta Leste.
Funu nain FALINTIL nia partispasaun luta iha libertasaun Nasionál iha Frente Armada no mós Frente Clandestina.
Saudozu ninia dedikasaun ezlusivu 15 to’o 19 ho kondekorasaun Ordem Lorico Asuwa’in iha 12 Novembru 2008.
Iha tinan 2021, Domin hahú inkorpora iha F-FDTL, iha loron 02 fevereiru 2001 iha Instrusaun Primeira Formasaun iha Aileu. Iha loron 21 juñu 2001, Saudozu promove ba kapitaun iha Sentru instrusun provizóriu iha Aileu.
Iha 07 jullu 2001, saudozu koloka iha Centro Instrução Nicolau Lobato (CICNL) Metinaro nu’udar Oficiál Apoio. Iha 19 fevereiru 2002, Saudozu koloka fali iha kuartél Jerál nu’udar Adjuntu Operasaun.
Nune’e, iha 14 jullu 2002 to’o 28 jullu 2003, saudozu koloka fali iha Centro Instrução Nicolau Lobato (CICNL) Metinaro nu’udar Comandante Companha Intruçoes.
Iha 28 jullu 2004, saudozu koloka ba fali iha 2º Batalhão nu’udar Chefe Operaçoes. Loron 13 dezembru 2004 koloka mai fali iha Centro Instrução Nicolau Lobato (CICNL) Metinaro nu’udar Oficial Operacoes.
Iha loron 25 marsu 2005, komandu koloka fali Saudozu ba fali iha 2º Batalhão nu’udar Oficial Operacoes, nune’e iha loron 16 dezembru 2005, komandu F-FDTL promove ba Major.
Iha loron 21 marsu 2009, saudozu koloka ba fali iha Quartel General nu’udar Chefe Planeamento (J5) no asume mós komandante kompañia iha komponente Terrestre.
Saudozu Domin hetan ppromosaun ba diviza hosi komandu F-FDTL iha loron 15 marsu 2012. Iha 12 outubru 2015, Saudozu sai nu’udar Adido Defesa iha Portugál, hafoin, Saudozu kolaka fila fali iha Kuartél Jerenál nu’udar Xefe Avaliasaun Pesoál.
Iha loron 06 dezembru 2016, Saudozu kolaka fali iha Ministériu Defesa nu’udar Xefe Gabinete Armamento Defesa no 19 marsu 2019 kolaka fali iha kuartel nu’udar xefe divisaun operasaun (J3) to’o Saudozu hakotu i’is. Latu
