Governu Identifika Ona Fatin Evakuasaun Komunidade Afeitadu Dezastre Naturais

Naunil Media (Díli), Guvernu konstitusional da-ix liu husi Ministériu Interior (MI), Francisco da Costa Guterres, hateten sei identifika fatin evakuasaun ba komunidade sira ne’ebé foin dadauk hetan Inundasaun impaktu hosi dezastre naturais iha semana kotuk.

“Agora dadaun ami nia ekipa husi Protesaun Sivil iha hela terrenu hamutuk ho Polisia no Líder Komunitárius sira kontinua servisu hamutuk hodi normaliza estrada kotu ne’ebe hetan hetan estragus husi dezastre naturais inklui buka no fo apoiu nafatin ba ema sira  ne’ebé mak hetan Inundasaun”,dehan Ministru Interior, Francisco da Costa Guterres, ba jornalista sira, wainhira remata reuniaun Konsellu Ministru, iha Palásiu Governu, Tersa-feira (12/07).

Nia haktuir, ekipa Protesaun Sivil, halo mós intervensaun hodi fó asisténsia emerjensia ba komunidade sira ne’ebé afetadu no Governu hanoin oinsá bele halo rekuperasaun.

“Ita sei identifika fatin evakuasaun mais provisoriamente iha áreas eskola, igreja sira, atu ne’e bele hases komunidade ne’ebe mak ameasa ba unundasaun, depois halo atuasoens umanitarias, nune’e  pelumenus rezolve sira nia problema diáriu ne’e no halo rehabilitasaun ba sira nia uma”, katak nia.

 Nia akresenta, liga ho sentru sira iha fatin riskus sira wainhira akontese udan no desastre, Governu Liu hosi  Protesaun sivil kontinua disemina informasaun ba a koumunidade hodi hasae lider komunitraia sira nia kunesementu halo prevensaun nune’e komunidade prepara diak liutan wainhira hasoru dezastre natural.

Daudaun ne’e, Governu liuhosi Ministériu Obras Públika mobiliza ekipamentu pezadu Estadu nian hodi hasai matéria sendimentasaun ne’ebé entupidu,suru sai tahu ne’ebé taka estrada sira hodi normaliza fila fali movimentasaun ema no viaturas sira. Ana