FEATUREDIkus LiuNewsPolitikaUncategorized

KM Aprova PENDT 2023-2030

Fahe Tutan

Naunil Media (Díli), Ministru Prezidensia Konsellu Ministru (KM), Fidelis Manuel Leite Magalhães, informa Konsellu Ministru aprova projetu rezolusaun governu nian  ne’ebé aprezenta husi Ministru  turizmu komérsiu no industria (MTCI) José Lucas do Carmo da Silva kona-ba Planu estratijiku nasionál ba dezenvolvimentu turizmu  (PENDT) tinan 2023-2030.

Planu estratéjiku ida-ne’e ho ninia objetivu atu dezenvolve Timor-Leste hanesan destinu úniku ida iha Ázia, ho setór turizmu inkluzivu, sustentavel no responsavel.

“PENDT 2023-2030 ne’e estabelese vetór estratéjiku intervensaun no proposta sira asaun nian ne’ebé Governu deside to’o tinan 2030”. Dehan Ministru Prezidensia konsellu Ministru ba jornalista iha palásiu Governu, Kuarta (25/1)

Nune’e ho hanoin atu aselera dinamiza dezenvolvimentu turizmu nasionál, iha parseria ho interveniente hotu-hotu, ne’ebé inklui instituisaun nasionál, sosiedade sivíl, parseiru sira dezenvolvimentu no setór privadu.

Governante ne’e hateten, define vetór estratéjiku hamutuk 11, ho área prioritária sira intervensaun nian no mós inklui iha PENDT 2023-2030 planu plurianuál ida implementasaun nian to’o tinan 2030, ne’ebé aprezenta kronograma ida kona-ba atividade prioritária no identifikasaun ba responsavel no parseiru prinsipál sira. LTS

Leave a Reply

Your email address will not be published. Required fields are marked *