FEATUREDGeralIkus LiuNews

Joven Nain Haat husi Manatuto Kria Empregu Rasik ‘Homan Rotan’

Fahe Tutan

Naunil Media (Díli), Joven nain haat (4) kompostu João Almeida, Felisberto Almeida, Joao Freitas no Faustino Fernandes husi Munisípiu Manatuto kria empregu rasik (Homan Rotan) ba sira-án.  

Aktividade produsaun Homan Rotan lokaliza iha Kulau Bekora no hahu ona dezde tinan 2004 to’o ohin loron. Joven nain 4 refere ho abilidade rasik Homan Rotan sai meza, armáriu, kadeira, oratorio no seluk tan.         

Traballadór João Almeida, hateten sira ho abilidade natóon aproveita rekursus material (Rotan) nakfila ba sustenta ba moris família lor-loron.

“Ami lori Rotan husi postu administrativu Laklubar, Munisípu Manatuto. Ami produs ba sasan uma laran hanesan meza, kadeira, oratóriu no armáriu”, informa João, ba jornalista Naunil Media iha fatin produsaun, Kulau Bekora, Kinta (12/20).  

“Ami hahu fa’an produtu hirak ne’e hahu ona husi tinan 2004 to’o agora” dehan Nia.  

Kona-ba presu produtu, Nia esplika folin depende kuantidade no medida, hanesan armariu $15.00, kadeira ho mesa $10.00, oratóriu $ 7.00.

“Kada loron, kompradór la barak, só oratóriu mak dala ruma loron ida ema hola tolu to’o haat, enkuantu armáriu no mesa ladun”, tenik Nia. 

Nia dehan, kona-ba rendimentu kada fulan, hetan $70.00 to’o $80.00, hafoin sira nain haat fahe ba malu hodi sustenta moris lor-loron, hanesan selu uma kos no nesidade primária.

João Almeida (kazadu/kaben nain), Felisberto Almeida (kazadu), Joao Freitas (solteiru) no Faustino Fernandes (solteiru). Jjf

Leave a Reply

Your email address will not be published. Required fields are marked *