Embaixador Brazil, Ho EUA Hato’ Karta Kredensíal Ba PR
Naunil Media (DILI), Embaixadór República Federativa Brazil Mauriçio Medeiros de Assis, ho Embaixadór dos Estados Unidos da América (EUA), Kevin Blackstone entrega, karta kredensíal ba Prezidenti da Repúblika Timor-Leste, Francisco Guterres Lu Olo.
Karta kredensial emabxadór nain rua ne’e entrega ba prezidenti da repúblika RDTl, iha palásiu prezidensiál Nicolao Lobato Bairu pité sesta, (19/03/2021).
Tuir Ministra Negosiu Estranjeiru No Koperasaun (MNEC. sigla portugés) Adaljiza de Araújo Magno, hateten karta kredensial, hanesan parte ida husi embaixador rua ne’e atu fo koñesementu ba prezidenti da repúblika Francisco Guterre Lu Olo.
“Ohin sua eselensía prezidenti da Repúblika simu kredensial rua husi embaxadór Brazil sua exselensia sr. Mauriçio Medeiros de assis no Estadus Unidus da Amérika sr. Embaxador Kevin Blackstone, sira nain rua mai kleur ona Tanba situasaun, ohin mak entrega, no sua eselensia Prezidente da Repúblika konsege simu sira nia karta kredensial” nia deklara
Nia hatutan “Sira nain rua mos aprezenta sira nia komprimentus mai husi sira nia Prezidente rasik sr. Prezidente Bosonario no sr. Prezidente Joe Baiden” dekalara minstra ne’e.
Governante ne’e hatutan reprezentante embaixador nain rua ne’e iha Timor-leste hanesan parte ida hodi kontinua hametin koperasaun di’ak entre nasaun Brazil Ho Estadus Unidus Amerika, hodi kontribui ba dezemvolvimentu inklúi ajuda governu konbate Covid-19.
“Agora seidauk iha mudansa sira nafatin suporta ita para atu kombate Covid-19 por-zemplu Brazil no Estadus Unidus liuliu Brazil sira ajuda iha area barak liu mak area judisial depois Estadus Unidus iha area barabarak los. rai-rua ne’e mós iha kooperasaun militár ho ita nia F-FDTL laiha mudansa barak, “ nia hateten.
Ministra ne’e deklara hafoin entrega karta kredensial. Prezidente Repúblika Francisco Guterres Lú Olo mós hato’o parabens no hato bom traballu ba embaixador nain rua hodi nafatin fo susesu ba servisu ne’ebé liu husi kooperasaun rai rua nian ba Timor-Leste.’’jos
