PR Lú Olo Husu Polítika-Nain Labele Uza COVID-19 Sai Kampaña
Naunil Media (Dili), Prezidente da Repúblika (PR), Francisco Guterres ‘Lú Olo’ husu ba Politíka-nain sira atu labele uza prezensa Corona Virus Decease 2019 (COVID-19) nian hodi sai hanesa Kampaña Eleitoral.
“Moras at Covid-19 la fó vantájen polítika ba ita hotu, nein ba partidu sira, nein ba governu, nein ba sidadaun baibain ida. Maibé, lori susar no mate ba ita no ba Umanidade tomak! Tanba ne’e, lalika lori Covid-19 halo kampaña. Kampaña eleitoral atu ba kaer ukun bele de’it akontese iha 2022, eleisaun ba Prezidente Repúblika, no iha 2023, eleisaun ba Parlamentu Nasionál. Laós agora! Tanba ne:e, mai ita hamutuk fó liman ba malu, luta hamutuk hasoru corona vírus nu’udar ita hotu nia-inimigu komún”.dehan PR iha Prezidesial Bairo Pite sexta, (19/03/2021).
Ema númeru um iha Timor-Leste, hanesan mós funu nain tinan 24 ne’e apela ba entidades hotu-hotu iha TL atu luta hamutuk hodi dignifika Nasaun no fó orgullu ba ida-idak nia a’an nu’udar Timoroan iha esperansa katak Povu TL sei manán hasoru Covid-19.
“Ita bele hetan dezafiu bo’ot ida ne’e. Maibé, Estadu iha tanba iha nia Povu ida, moris iha rai ketak ida ho nia ukun-nain sira ne’ebé ukun tuir Lei no bandu hodi defende Povu nia interese. Estadu-de-Emerjénsia hotu-hotu neebé Prezidente Repúblika dekreta to’o agora tuir deit Lei ne:ebé Parlamentu Nasional aprova no fó ba Governu implementa ho Dekretu-Lei. Iha kontestu jurídiku ida ne’e maka Estadu espresa nia vontade atu salva nia Povu husi kalamidade bo’ot ida ne’e”dehan Prezidente Repúblika.
Nia deklara relasiona ho Covid-19 ne’ebé dadaun ne’e hakat ona to munisipiu, Governu hasai resolusaun númeru 16/2021,15 marsu hodi halo serka sanitaria, bele de’it sai husi uma atu sosa hahán, aimoruk, kombustível, sosa pulsa ba telefone no eletrisidade, ba banku, ba konsulta ho doutór, atu ajuda ema ruma, atu trata asuntu justisa no seluk tan neebé mak esensiál deit. Medida seluk mak serka sanitária, katak ema labele tama no sai husi Díli. Husi loron 16 marsu, medida rua ne’e aplika mós iha munisípiu rua seluk, Baucau no Viqueque, tanba hetan kazu pozitivu iha munisípiu rua ne’e.
Aman ba nasaun ne’e mós dehan ‘Governu foti medida sira ne’e atu bele taka dalan ba vírus ne’ebé hamosu Covid-19, moras aat ida ne’ebé daet lalais deit husi ema ba ema no bele hamate lalais de’it.
Iha biban ne’e Aman ba Nasaun ne’e husu ba sidadaun hotu-hotu atu nafatin mantein regras, no fó biban ba parte saúde sira hodi bele buka tuir moras Covid-19 ne’e mak hahu ona hakat liu ba munisipiu Baucau ho Viqueque.jos
