Futsal Mane : BNCTL Kampeaun Torneu MAPKOMS 2020
Naunil Media (Díli), Ekipa Futsal Mane husi BNCTL sai kampeaun ba Torneu MAPKOMS 2020 hafoin halakon adversariu SECoop ho score 4-3 husi jogu final mak hala’o iha kampu multifunsa Bebora, Domingu (29/11).
Iha inísiu jogu ekipa rua hotu-hotu hatudu jogu furak iha kampu hodi atrai adeptu sira mak asiste direta jogu refere.
Maibé ekipa BNCTL ne’ebé hatudu jogu ho ritmu aas desde kick off parte dahuluk susesu lidera uluk hafoin jogador Jaquiel Pinto marka golu rua tuir malu.
Maibé SECoop ne’ebé hatudu mós ritmu jogu ho naton konsege responde golu ida, nune’e primeiru parte termina ho score 2-1.
Kontinua ba segunda parte ekipa SECoop konsege produs tan golu ida ho lais hodi muda score ba 2-2 liu husi jogador Osvaldo.
Maibé jogador Jaquiel ne’ebé hanesan melor markador iha jogu ne’e konsege marka tan golu rua tuir tuir malu hodi hatuur score ba 4-2.
Score 4-2 ne’e la dura to’o tempu naruk hafoin SECoop responde tan golu ida hodi hamihis score ba 4-3.
Antes atu termina jogu parte daruak ekipa BNCT tenke joga ho nain tolu de’it hafoin sira nia jogador Jaquiel Pinto hetan kartaun kinor ba daruak, maske nune’e ekipa BNCT nafatin sai kampeaun. Dvo
