PM Taur : Prosesu Dada Kadoras Mai TL Sei Lori Tempu

Fahe Tutan




Naunil Media (Díli), Primeiru Ministru (PM) Taur Matan Ruak, hateten kona-ba planu governu nian atu dada kadoras (mina rai) mai Timor-Leste (TL) sei lori tempu naruk-tan, tanba inpaktu hosi COVID-19.

“Kona-ba dada kadoras mai Timor-Leste, ita hotu nia mehi, maibé sei la’o no lori tempu naruk”, dehan xefi Governu Konstitusionál da-ualu, Taur Matan Ruak, hafoin enkontru semanal ho Prezidente Repúblika Francisco Guterres ‘Lú Olo’ iha Palásiu Prezidensiál Nicolau Lobato Bairu Pite, Kinta (16/07).

Ei-sPrezidente Republika Demokrátika Timor-Leste (RDTL) ne’e, hatutan sá-tan relasiona ho COVID-19 mina folin tuun, nia prosesu ne’e sei lori naruk liu tan.

Kona-ba atu dada kadoras mai Timor-Leste, antes ne’e xefi negosiadór, Kay Rala Xanana Gusmão promete ona atu dada kadoras mai Timor-Leste iha tempu besik no Timor-Leste sei fa’an rasik mina hahu husi tinan 2026, maibé to’o ohin loron hela ho mehi tanba fenomena polítika dadaun ne’e akontese iha rai-laran. Dms

Leave a Reply

Your email address will not be published.