FEATUREDIkus LiuNegosiuNews

Janeiru-Jullu 2020, Servisu DNTT Lautém Kontribui U$17.52,050 ba Kofre Estadu

Fahe Tutan

Naunil Media (Lautém), Xefe Servisu Diresaun Nasionál Transporte no Terestre (DNTT) Munisípiu Lautém, Edi Correia Lemos, informa husi fulan Janeiru to’o Meia Jullu tinan 2020 ne’e, Servisu DNTT Munisípiu Lautém rekolla reseita U$17.52,050 (Dollar Rihun Sanulu Resin Hitu lima nulu resin rua sentavus lima nulu) hodi kontribui ba kofre Estadu.

“Servisu DNTT Munisipiu Lautém hatama ona reseita ba kofre Estadu, maibe dadaun ne’e preokupa kona-ba kondisaun edifísiu grave los no la fo espasu ba funsionáriu sira natu hala’o kna’ar lor-loron, tanba klót”, Xefe Servisu DNTT Munisípiu Lautém, Edi Correia Lemos, ba Naunil Media iha nia kna’ar fatin Lospalos Villa, foin lalais.  

Xefe Servisu DNTT Munisípiu Lautém, Edi Correia Lemos, hatutan, maske ho kondisaun edifísiu ne’ebe la-favorável maibe la hamate sira nian vontade servisu atendementu ba kliente sira nian.

“Planu harii edifísiu foun ne’e, ami haruka bebeik ona ba diresaun nasional, maibé to’o agora seidauk iha resposta, tanba ne’e husu ba governu sentral atu tau iha preoridade”, sujere nia. 

Ikus-liu, Xefe Servisu DNTT Munisípiu Lautém, Edi, dehan sei estabelese planu estratéjiku ba servisu inspeksaun motorijada ho karta kondusaun atu kontinua kontribui reseita ba konfre estadu.  

“Optimista katak planu hirak ne’e sei estabese iha loron ruma, karik Governu sentral tau iha programa, nune’e bele hasae’e volume reseita ba kofre estadu”. Dehan Nia. Latu

Leave a Reply

Your email address will not be published. Required fields are marked *