Trabalhador Timor Oan Grave Kontra Kompania PAPILON Lda

Naunil Media (Díli), Relasions ho Pandemia Covid-19 invade Timor kompania Papilon Lda  Hotel esplanada halo suspensaun ba trabalhador sira nia kontraktu, hafoin situasaun pandemia Covid-19  ne’e normal kampania papilon Lda, hotel esplanada la bolu fali trabalhadores ne’ebe hetan suspensaun ba kontraktu maibe halo rekrutamentu ba fali trabalhadores foun.

Tuir Trabalhador Natalicia Ricardo Soares, hateten kompania halo Suspensaun ba sira nia kontratu razaun pandemia Covid-19 aerportu  no portu taka halo  kompania la hetan rendementu ne’ebe mak diak no kompania promete situasaun pandemia Covid-19 ne’e hotu sei bolu fali sira hodi estende fali sira nia kontratu.

“Iha momentu ne’eba patraun ne’e mos fo Karta suspensaun fulan 6 de’it,dehan agora tempu corona hela ne’ebe aeroportu mos taka ne’ebe imi trabalhadores hotu-hotu mos tenki komprende situasaun ne’e,no bainhira corona ne’e lakon los ona mak kompania ne’e sei loke fali mak sei bolu fali imi trabalhadores sira hotu mai kontinua fali servisu,

maibe bainhira loke fali, nia hatama fali trabalhadores foun na’in 2 no ami mai hasoru fali nia nia ko’alia fali ho amii dehan imi para servisu iha ne’e ona,tamba imi para tinan 3 tia, ha’u sei hatama fali trabalhadores foun no ha’u la presiza ona imi ha’u Presiza Mak trabalhadores foun”.Dehan trabalhador Natalicia iha hotel Esperans, Segunda (26/6/23)

Trabalhador ne’e Hatutan tan Durante tinan 2  resin sira servisu ho kompania refere la selu  sira no sira ba halo konfirma ho kompania nain, kompania nain dehan laiha osan atu selu sira no kompania ne’e halo ona rekrutamentu ba trabailhadir foun.

“Depois 2021 to’o agora nia nunka selu ami no agora Loke fali nia bolu ami Nia Kolega na’in 6 de’it no nia hatama tan trabalhadores founna’in 2, maibe foin lalais ne’e ami hasoru malu ho trabalhadores na’in 2 ne iha Sefope fila mai patraun ne’e lansun hasai kedas sira na’in 2 no hela mak sira na’in 6 ne’e de’it”.Nia explika

Aleinde ida ne’e mos sindikatus trabalhian Julito Benevides dehan ohin trabalhadores sira ko’alia rasik ona dehan kompania suspende tiha sira nia servisu, para assegura no labele hada’et moras covid19 Durante fulan 6 nia laran, depois fulan 6 sira dehan atu bolu fila fali trabalhadores sira atu mai kontinua fali sira nia servisu maibe sira la passa informasaun ba trabalhadores sira durante 2021 to’o 2022.

“No liu tiha ida ne’e sira  konfirma atu husu fali kona ba sira nia kondisaun servisu ba oin ne’e hanesan ne’ebe, no sira mai husu tiha ba patraun kompania papilon LDA,maibe patraun ne’e bolu fali sira tuan na’in 4 de’it no hatama tan foun na’in 2 de’it”.

Enkuantu ho nune’e trabalhadores hamutuk ho sindikatu trabalhian haruka karta hodi halo negosiasaun maibe la hetan resposta husi kompania, tanba ne’e trabalhadores hamutuk ho sindikatu trabalhian hodi deside atu realiza grave. Sichy