MOJEKOF: Orienta Membru Labele Tolok Lidér Sira Iha MEDSOS
Naunil Média (Dili), Movimentu Jerasaun Kontinuadór Fretilin (MOJEKOF), Husu ba membru sira hotu labele tolok no minimiza liafuan mal trata ba Kandidatura Prezidente da Repúblika iklui lidér rezistensia sira iha Média Sosiál (MEDSOS).
Sekretariu Jerál MOJEKOF, Faustino Soares, hato’o lia hirak ne’e ba jornalista sira, Liu hosi Komunikadu Empresa Iha salaun Luza Klarita, Sabadu, (29/01/22).
” Husu ba membrus no kuadrus MOJEKOF sira hotu labele uza liafuan tolok no minimiza hosoru kandidatura Prezidensial Repúblika sira seluk iha MEDSOS, Liu-liu ita nian lider rezistensia sira no Juventude Loriku Aswain sira ne’ebé kandidata a’an ba Prezidente da Repúblika iha periodu 2022-2027.” Sekretariu Jerál MOJEKOF
Nia apela membrus no kuadrus MOJEKOF sira hotu iha teritóriu nasionál no diaspora kontinua servisu maka’as hodi fó vitória ba Kandidatura Prezidente Francisco Guterres Lú olo ba peridu 2022 too 2027.
SEKJER MOJEKOF ne’e, Hatutan, Jerasaun foun ba rai ida ne’e sira nia mensagen mak atu halo rame festa demokrasia ida ne’e, Li-liu ba kampaña Eleisaun Prezidensiál, Aprezenta mensagen mak ekuda povu katak liderta povu liu hosi dalan ne’ebé los, Insulta malu la’os fatin eduka povu.
Nune’e apela mos ba lidér sira hotu li-liu ba sira ne’ebé mak iha kbi’it atu kandidata a’an tenke fó mensagen edukativu ba povu Timor-Leste iha Kampaña Eleisaun Prezidensiál.*Jos
