Governu Harii Uma 1272 Ba Kbiit Laek

Naunil Media (Díli), Ministru Administrasaun Estatal (MAE), Miguel Perreira de Carvalho, informa governu liu husi MAE sei harii uma hamutuk 1272 ba ema kbiit laek sira.

“Halo uma 1272 iha suku sira, planu ne’e hahu implementa ona, indentifika ona, iha fulan Marsu ita bele hetan ona lista naran benefisiáriu husi suku sira”, Ministru Miguel Pereirra de Carvalho, ba jornalista sira hafoin sorumutuk ho Premeiru Ministru (PM), Taur Matan Ruak, iha Palásiu Governu, Kuarta (12./01).

Governante ne’e hatutn, MAE aloka $21 millões hodi halo uma ba kbiit laek sira atu halo uma, kada suku hetan uma tolu.    

“MAE indentifika Munisípiu Baucau mak barak liu, númeru suku barak liu ita ba suku ida halo uma tolu”, subliña  membru Governu ne’e.  

“Kriteria ne’ebé mak estabelese ona ba ema sira ne’ebé mak vulneravel, no sira nia uma ho kondisaun ne’ebé mak aat ona”, esplika nia.  

İkus liu, Nia dehan prosesu harri uma ba ema ho kbiit laek iha sira nia hela fatin rasik no la’os harii konsentra iha fatin ida. Lop