INCT Konvida Peskizadór Nasionàl Na’in 12 Passa iha Konkursu

Naunil Media (Díli) – Instituto Nacional Ciencias e Tecnologia (INCT sigla portugés), konvida peskizadór nasionál hamutuk sanolu-resin-rua (12) ne’ebé mak pasa iha konkorsu hodi halo investigasaun sientifika.

Tuir Vise presidente INCT Valentin Ximenes hateten, tinan ida ne’e sira fó fundus hamutuk $75.000 ba peskizador sanolu-resin-rua (12) no kada Grupu ida sei hetan fundus 5.000.

“Peskiza Sientifika iha Área Edukasaun, Infraestrutura, Tecnologia no inovasaun, maibé barak liu mak iha área Ekonómia no Agrikultura, Assinatura de kontratu hodi atribui fundus ba peskizadór sira atu  bele hala’o sira nia atividade tuir horariu ne’ebé mak INCT Marka tiha ona, apartir husi fulan ida ne’e to’o fulan Novembru tinan ida ne’e”, dehan Vice Presidente do Conselho Esecutivo do INCT Valentin Ximenes ba jornalista sira iha salaun JL Villa-Fatuhada, tersa (10/05/22).

Vise presidente hatutan, Kobertura sei hala’o iha teritoriu tomak, maibé barak liu mak iha kosta sul atu desenvolve sira nia rai ne’e ba halo natar, desenvolve Animal sira ne’ebé fornese naan mai merkadu, Atu nune’e Timor-Leste labele depende de’it ba sasan ka hahan ne’ebé mak importa husi rai liur.

“Hakarak Peskizadór sira hala’o projetu ne’e ho seriu atu nune’e bele fornese informasaun di’ak, ba  povu sira iha Suku, Postu Administrativu, Munisípiu to’o Nasionál, hodi bele halo polítikas ne’ebé di’ak ba ita nia rai atu sai nasaun ne’ebé Forte”, Tenik Valentin.

Ho Investigasaun ida ne’e sei desenvolve no sei fornese informasaun di’ak atu Governu halo desenvolvimentu hodi hasai ita husi kiak no lori bem star ba povu Timor-Leste, nia hakotu .Mji2