PNTL Baucau Rejistu Kazu Tentativu Omesidu 1
Naunil Media (Baguia), Iha fulan Maiu tinan 2022, Polísia Nasionál Timor-Leste (PNTL) liu husi komandante eskuadra postu adminiatrativu Baguia munisípiu Baucau, rejistu kazu tentativu omesidu ida iha Suku Lavateri.
Tuir adjuntu komandante PNTL postu Baguia, Belarmino Gusmão informa, iha fulan Janeiru to’o Maiu kazu ladun barak, depois iha fulan Fevereiru iha kazu domestiku ida, maibé ne’e rezolve ho família ona.
“Iha Fulan Maiu iha Kazu tentativu omesidu ida ita hotu hatene, no sai iha media akontesimentu ne’e iha Lavateri, depois eleisaun hotu to’o ohin loron laiha ona problema seluk”, dehan adjunto Komandante PNTL postu Baguia, Belarmino Gusmão ba jornalista sira iha nia knar fatin Baguia, tersa (10/05).
Nia afirma, problema omesidu ne’e mak ami rejistu ona iha ministeriu públiku.
Adjuntu komandante PNTL hatutan, kona-bá problema seluk mak dezastre, maibé komunika ho autoridade sira karik dezastre iha suku sira sempre hato’o ba PNTL.
“Maibe to’o agora seidauk iha, ami sempre iha liña koordenasaun ho sefí suku sira karik iha dezastre ruma iha sira, suku sira tenke hato’o”, katak nia.
Nia relata, Ho kazu domestika hanesan krime públika, entaun prosesu hotu-hotu tenke lori ba ministeriu públik (MP) mak na’in ba kazu, atu levanta kazu refere.
Komandante Gusmão hateten, kualker kazu domestika prosesu ne’e tenke liu husi ministeriu públiku hafoin ministeriu públiku hato’o ba Tribunal Rekusu mak hafoin Tribunal Rekursu foti desizaun ikus,hakotu nia. Ana
