EBF 1o, 2o Cíclo Caicaça Preparadu Reativa Aktividade Aprendijazen

Fahe Tutan

Naunil Media (Díli), Kordenadór Eskola Bázika Filial 1o, 2o Cíclo Caicaça,  Rui Soares, eskola refere preparadu atu hahu hikas nia prosesu aprendijazen, tanba instala ona materiál ijiene no halo limpeza ba areadór eskola nian.

“Preparasaun ba reativasaun eskola bazeia ba Ministeiru Edukasaun no bazeia ba rezultadu reuniaun diresaun ezekutivu EBC Maubara nian. Primeiru  kada eskola prepara materiál ijiene no mos limpeza ba aredores eskola nian”, Kordenadór EBF 1o, 2o Cíclo Caicaça, Rui Soares, ba jornalista Naunil Media iha nia kna’ar fatin, Kuarta (10/06).

Kordenadór Eskola Bázika  Filial 1o, 2o Cíclo Caicaça,  Rui Soares, informa eskola ne’ebe refere antes ne’e iha ona preparasun materiál ijiene hodi bele garante mos implementasaun merenda esokolar ho saudavel.

“Ami prepara bee no sabaun hodi fase liman, antes ne’e prepara tia ona mos garante programa merenda eskolar nian ne’ebe di’ak no saudavel”, tenik Kordenadór Eskola Bázika  Filial 1o, 2o Cíclo Caicaça ne’e.

Nia akresenta, maske seidauk iha data fixa atu hahu hikas prosesu aprezijazen, maibe nia hamutuk ho maluk manorin nain sira kontinua prontu atu hala’o fali servisu hanesan babain.  

“Agora dadaun seidauk iha data fiksu ba reativasaun eskola, sei hein hela protokolu hosi Ministeiru Edukasaun nian hodi apar no implementasaun tuir protokolu hosi Ministieru Saúde nian”, realsa Nia.

Dirijente núdar mos manorin nain iha eskola EBF Caicaça ne’e, informa sira mos simu ona orientasaun, professor hotu-hotu tuir formasaun oinsa atu implementa prevensaun Surtu COVID-19 nian.

“Númeru estudante barak-liu, ami tenke fahe ona ba grupu rua hodi halo rotasaun,  ida ba grupu A no rua grupu B. Grupu A eskola iha Segunda entaun grupu B deskansa no tersan mak grupu B tama fali aula nune’e bele iha distansia sosial iha aula sira”, esplika Nia.

Total alunu iha EBF Caicaça hamutuk nain-197, kompostu hosi Mane-93 no feto-104, professor hamutuk nain-6 kompostu hosi profesor nain-5 no professora-1. Esloka ne’e lokaliza iha suku Gugleur, Postu Administrativu Maubara, Munisipiu Liquiçá. Lop

Leave a Reply

Your email address will not be published.