UNICEF, MEJF, UE, Lansa Treinamentu Abilidade ba Foin Sa’e

Naunil Média (Díli), Fundus Nasoens Unidas ba Labarik (UNICEF), Uniaun Europeia (UE) no Ministeriu Edukasaun Juventude no Desportu lansa tratamentu abilidade sékulu 21 ba Foinsa’e sira iha sentru aprendisazen komunitaria.

Liu husi komunikadu ne’ebé Naunil Média asesu iha Media Unicef Tersa, 10/05/2022 ne’e  hateten Ministeriu Edukasaun Juventude no Desportu hamutuk Embaixador Estadus Unidus no Fundus Nasoens Unidas ba Labarik (UNICEF) lansa ona inisitativu atu introdus treinamentu kona-ba abilidade Sekulu 21 ba foinsae sira iha Timor-Leste, notreinamentu ne’e sei implementa iha munisípiu Baucau, Dili, no Manatuto.

Karta Komunikadu ne’e mós hatutan inisiatiava ne’e lansa husi firetor jeral edukasaun no ensinu, Luis Fernándes no adjunta reprezentante país UNICEF, Ainhoa Jaureguibeitia, reprezentante UNICEF iha sentru aprendizajen komunitaria Cristo Rei durante seremonia ne’e atende husi estudante sira husi sentru aprendijazen, profesor no profesora sira, inan-aman no membru komunidade sira.

“Timor-Leste mak nasaun dahuluk introdus kona-ba Plataforma Eskola ba Uma/Passporte Aprendizajen atu asegura labarik sira kontinua aprende durante tempu pandemia. Agora ita mos introdus kursu Abilidade Sekulu 21 atu ajuda joven sira aprende kona-ba abilidade xave sira no hadiak sira-nia aprendizajen hanesan ho nasaun barak sira seluk iha mundu,” hateten Diretor Jeral Edukasaun no Ensinu, Ministeriu Edukasaun, Juventude no Desportu Luis Fernándes.

Nia esplika liu husi inisiativa ne’e MEJD sei implementa kursu sia iha siensia, teknolojia enjeneria, arte no matematika (STEAM) no literasia finanseiru. Kursu sira ne’e sei inklui teoria no matadalan pratika sira no enkoraja foinsa’e sira atu rezolve problema real ne’ebé mak sira esperiensia iha mundu ohin loron, asuntu sira liga ho mudansa klimatika, saúde, saneamentu, resiklajen, no prezervasaun hahan.

Nune’e mós Enkaregadu Embaixada EUA, Tom Daley afirma tan katak kursu ne’e disponivel iha lian Tetun, no uza aproximasaun inovativu, nivel mundial, husi Massachusetts Institute of Technology (MIT) no Universidade INSPER iha Brazil. Kursu sira ne’e dezenvolve husi MEJD, UNICEF, MIT no Universidade INSPER.

“Program ne’e sei ajuda lider futuru Timoroan sira dezenvolve abilidade sira ne’ebé  mak presiza ba ekonomia sekulu 21, no programa ne’e refleta komitmentu EUA atu haforsa oportunidade edukasaun ba estudante Timoroan sira, nune’e mós ami nia parseiria ho Timor-Leste.” afirma enkaregadu Embaixada EUA Tom Daley.

Iha fatin hanesan Adjunta Reprezentante País UNICEF, Ainhoa Jaureguibeitia dehan Kursu ne’e sei ajuda Foinsa’e sira iha Timor-Leste aprende abilidade sira ne’ebé mak relevante iha mundu ohin loron no ajuda sira lidera inovasaun no rezolve problema sira ne’ebé mak iha impaktu ba sira agora no ba jerasaun tuirmai no mós kolaborasaun ne’e entre governu EUA, Ministeriu Edukasaun Juventude no Desportu no UNICEF sei ajuda foinsa’e sira ba futuru no sira sai forsa ba mudansa pozitivu.

Ho apoiu husi Governu Estadus Unidus Amerika, liuhusi Embaixada EUA iha Dili, UNICEF no Ministeriu Edukasaun, Juventude, no Desportu sei kontinua implementa kursu ne’e ba foinsa’e sira iha Baucau no Manatuto no sei organiza eventu entre eskola sira kona-ba siensia, teknolojia, enjeneria, arte, no matematika no kursu nee agora disponovel iha Plataforma Microsoft’s Learning, Passport platform, Eskola ba Uma plataforma. *Jos