Sente Prezudika Ho Konteudu Media, Sidadaun Bele Keixa Ba CI
Naunil Media (Díli), Prezidenti Konsellu Imprensa (CI-Sigla Português), Virgílio da Silva Guterres, hateten sidadaun no komunidade sira ne’ebé sente prezudika ho konteudu media nian, bele halo keixa online (Via Internet) ba CI.
Prezidente CI, Virgílio da Silva Guterres informa asuntu ne’e ba jornalista sira hafoin remata Siensibilizasaun Auto Regulasaun ba Media Sira iha Salaun Hotel Beach Garden, Kinta (27/02).
“Sira ne’ebé asesu ba internet bele hato’o keixa liu husi online. Sira ne’ebé iha munisipiu laiha internet internet bele kontinua hakerek karta ba Konsellu Imprensa”, dehan Virgílio da Silva Guterres.
Virgílio hatutan, seluk husi sosializasaun ne’e mak oinsa bele utiliza manul media social ne’ebe prátika ba aktividade jornalistiku no prátika jornalizmu, ho nia meius komunikasaun social hanesan Facebook, twitte tenke ho responsavel atu labele prezudika neutralidade no integridade professional hanesan jornalista.
Aktividade siensibiliza auto regulasaun ba media na’in no jerente sira hala’o durante loron ida, ho objetivu atu patilla konteudu husi regulamentu oinsa rejistu meius komunikasaun social keixa online atu ajuda sidadaun, wainhira iha konteudu notisia ruma mak sente prezudikadu. Dvo
