OXFAM-APFTL Lansa Relatoriu Papel Joven Diverifikasaun Ekonomia
Naunil Media (Díli), Country Director Oxfam Timor-Leste, Fausto Belo Ximenes, hateten,Lansamentu relatorio peskiza konaba joven nia papel hala’o iha ámbitu eleisaun parlamentar 2023 atu rekolla pensamentu, aspirasaun no misaun hosi joven sira kona-ba diverifikasaun ekonomia iha rai laran.
Peskiza ne’e, parseria ho Alumni Parlamentu Foinsa’e Timor-Leste (APFTL) kuaze lori joven hosi munisípiu hotu-hotu mai iha Dili hodi halo diálogu ho membru partidu polítiku,”dehan Director Oxfam,ba jornalista sira, iha edifisiu Oxfam Hudi-laran, Tersa (25/07).
“Lansamentu ne’e kontinuasaun hosi diálogu ne’ebé hosi organizasaun APFTL halo entre joven no partidu polítiku sira halo iha tempu kampaña eleitoral, nune’e ohin bele fó sai rekomendasaun no konkluzoens ne’ebé durante ne’e peskizadór sira halo iha tempu kampaña.
Diretor ne’e hatuta, populasaun iha Timor-Leste ema ne’ebé idade 35 mai kraik kuaze 74%, ne’e hatudu katak populasaun mais joven barak liu, se karik ita investe di’ak rekursu naturais iha ita nia rai, bainhira ita planu estratejia di’ak hodi utiliza joven sira nia kapasidade seitor produtivu hanesan agrikultura.
Maibe Oinsa atu garante katak ita nia joven sira bele partisipasaun maksimu iha dezenvolvimento ba iha diversifikasaun ekonomia iha Timor-Leste,”katak nia.
Entaun peskiza nee kuaze halo hahu kedas molok ita nia eleisaun ba parlamentu i to agora remata,molok lansa relatorio mos parseiru APFTL konsege organiza joven sira husi munisipiu hot-hotu hodi mai tempo eleisaun parlamentu nasional (PN) hato sira visaun no misaun sira nia hanoin. Ana
