“ Lu-Ólo,” Sente Tebes Familia Masakre Santa Cruz Nia Halerik
Naunil Média (Díli), Prezidente da Republica Democratica de Timor-Leste, Francisco Guteres Lu-Ólo, sente tebés juventude loriku asuwain ne’ebé fakar ra’an no mate iha Masakre Santa Cruz 12 de novembru 1991.
“ Ita hotu hatene katak juventude liu Atus rua, hitu nolu resin (270), maka lakon sira nia vida iha akontesimentu Masakre Santa Cruz, Nune’e hafoin restaura indepedensia estadu tulun inisiativa buka sira ne’ebé lakon to’o ohin loron,” Dehan Prezidente da Republica, Francisco Guteres Lu-Ólo, iha nia diskursu, Komemorasaun Masakre santa Cruz, Sexta, (12/11).
Nia haktuir, Saudozu sira nia fatin hakoi ne’ebé identifika husi testamuña maibe restus mortais lahetan.
“ Prezidente da Republika sente tebes familia sira nia halerik rohan la’ek tanba la konsege hetan restus mortais, saudozu sira ne’ebé lakon sira nia vida, Familia balun deside sira halerik liu husi foti fatuk no bolu klamar saudozu nian iha fatin akontesimentu Masakre Santa Cruz,” Haktui PR Lu-Ólo.
Lu-Olo haklaken liu tan, Estadu Timor-Leste bele ajuda hamenus halerik sira ne’e, hari’i momumentu ida rekoñese no valorize sakrifisiu saudozu sira nian.“ Ho laran haksolo tebes mak hau hare ohin katan projetu monument 12 novembru, iha rate Santa Curz, hahu dadauk ona, hein katak monument ne’e sei prontu duni iha ida ne’e nia laran, ho kualidade di’ak molok 12 novembru tinan 2022,” Haktuir Lu-Ólo. Latu/Jos
