Joven Kreativu Nadodon ba PLP iha ElPar 2023
Naunil Media (Díli), Sesta (21/04) ne’e Grupo Youtubers Glorias Filme ne’ebe ho nia membru sira ekipa ho idade jovens feto-mate hamutuk nain 50 liu deklara fó apoiu tomak ba Partido Libertação Popular (PLP) atu manan iha Eleisaun Parlamentar (ElPar) 2023.
Pozisaun ne’e deklara husi Porta-voz Grupo Youtubers Glorias Filme, Joe Aqasio Filipe Soares, Sede Kampanha PLP iha Vila-Verde,
“Ami mai husi Grupo Youtubers, membrus ekipa 50 pessoas, hotu-hotu núdar eleitor foun. Ami deklara fó apoia tomak ba PLP atu manan iha eleisaun parlamentu tinan 2023 ne’ebe sei monu iha 21 Maiu”, afirma porta-voz ne’e.
Porta-voz Grupo Youtubers Glorias Filme, Joe Aqasio Filipe Soares, hateten sira iha planu atu halo content espesial ida ba PLP durante periode kampaha Eleitoral hahu husi 19 Abril to’o 18 Maiu tinan ne’e.
“Ami planu atu halo content ba PLP, tuir talentu no badaen ami nian. Ami garante sei halo di’ak liuhodi atrai públiku”, dehan porta-voz ne’e.
Iha fatin hanesan, Koordenador Jeral Ekipa Susesu PLP ba ElPar 2023, Antonio Freitas, agradese no apresia ba ekipa tomak Grupo Youtubers Glorias Filme ne’ebe afirma pozisaun hamutuk ho PLP hodi expresa talent durante period kampanha.
“Hodi Partidu nia naran, hakarak agradese wain ba ita bo’ot sira, muito apresia ba ita bo’ot sira nia desizaun tomak ne’ebe hakarak mai itegra an iha PLP hodi demostra ita bo’ot sira nia kreatividades tomak”,
Koordenador Jeral Ekipa Susesu PLP ba ElPar 2023 ne’e dehan, PLP hakarak dezenvolve kretividade joven sira nian.
“Ami hotu hakarak dezenvolve kreatividade sira ne’e, hau sei orienta atu servisu hamutuk ho ekipa media PLP atu ita bo’ot sira bele expresa talentu durante kampanha”, tenik nia.
Membru ekipa Grupo Youtubers Glorias Filme simu diretamente husi Koordenador Jeral Ekipa Susesu PLP ba ElPar 2023, Antonio Freitas no Prezidente Juventde PLP, Amilcar Hatenu. Tri
