Hadau Kadeira Arão Noé, VPPN Maria Angelina Kontra KRDTL Artigu 99

Fahe Tutan

Naunil Media(Díli), Liuhosi konferensia imprensa iha Parlamentu Nasionál (PN) Segunda (18/05) ne’e, Prezidente Parlamentu Nasionál (PPN), Arão Noé de Jesus da Costa Amaral, hateten tetntaiva hosi Primeira Vise Prezidenti Parlamentu Nasional (VPPN) Maria Angelina Lopez Sarmento, hadau poder PPN nian, ne’e kontra Konstituisaun Repúblika Demokrátika Timor-Leste (KRDT) Artigu 99 alinea 3 no Rejimentu Parlamentu Nasional Artigu 17 kona-ba kompetensia Prezidente Parlamentu Nasionál.

“Hakarak inform aba públiku katak, Kona-ba tentativa hadau Prezidente Parlamentu nia Poder ne’ebe halo hosi Vise Prezidente Parlamentum, Deputada Maria Angelina Lopes Sarmento. Aktu sira ne’ebe konsidera núdar tentativa hadau poder mak hanesan tuir mai ne’e : Iha loron 13 Maiu 2020 Bankada Fretilin, PLP, no Khunto dirije Rekerimentu Distituisaun Prezidente Parlamentu Nasional ba fali Vise Prezidente Parlamentu Nasional. Aktu ida ne’e Viola KRDTL Artigu 99 (3), Rejimentu Parlamentu Nasional Artigu 17 kona-ba Kompetensia Prezidente Parlamentu Nasional”, esplika PPN Arão Noé.

Segundu, Arão Noé esplika liu-tan, konstituisaun Artigu 99 (3) hateten momoos katak Parlamentu Nasional Reuniaun Ordinariamente tuir Konvokasaun Prezidente Parlamentu nian, tanba ne’e Vise Prezidente Parlamentu Maria Angelina Lopes Sarmento nia aktu sira ne’e viola KRDTL, Lei Organizasaun Funsionamentu Admistrasaun Parlamentar (LOFAP), Kodigu Penal no Rejimentu Parlamentu Nasional.

Arão mos esplika, “Tuir prosedimentu normal iha Parlamentu Nasional, Prezidente Parlamentu mak iha kompetensia atu konvoka Konferensia líderes Bankada hodi aprova ajenda ba plenária. Bainhira líderes Bankada sira aprova ona ajenda mak Prezidente halo despaixu ba DIPLEN prepara ajenda ba plenária, se laiha reuniaun líder bankada mak plenária mos laiha”.

PPN ne’e mos hateten “Sekretariu Jerál Parlamentu Nasional Divolve Despaixu hosi Vise Prezidente Parlamentu Nasional tanba Konsidera despaixu refere Kontra LOFAP Artigu 7. LOFAP Artigu 7 hateten katak tenke iha delegasaun kompetensia hosi Prezidente ba Vise Prezidente Parlamentu por eskrita antes Vise Prezidente bele toma funsaun Prezidente Parlamentu nian. Aktu sira ne’e konsidera nudar hahalok hadau poder ne’ebe kontra Konstituisaun da Republika, Kodigu Penal, Rejimentu Parlamentu Nasional no Lei Organizasaun Funsionamentu Administrasaun Parlamentar”.

“Bazeia ba KRDTL Artigu 86 (f), Parlamentu Nasional hein DISOLUSAUN hosi Prezidente da Republika. Prezidente Parlamentu Firme hodi defende KRDTL tuir Artigu 2 (2), katak Estadu hakruuk ba Konstituisaun no Lei Oan sira”. Dehan Nia. Uar

Leave a Reply

Your email address will not be published.