MS Tenke Fó Infórmasaun COVID-19 Ba Jornalista Sira Ho Loloos

Fahe Tutan

Naunil Media (Díli), Bankada Parlamentár Partidu Demokrátiku (PD) husu ba governu liuhosi Ministériu Saúde (MS) tenke fó infórmasaun COVID-19 ho faktos no kredivel ba jornalista molok halo publikasaun iha instituisaun media sira tanba povu Timor-Leste presiza infomasaun loloos.

Deklarasaun ne’e hato’o hosi deputada PD, Elvina Souza, iha nia intervensaun durante diskusaun estadu emerjénsia iha Parlamentu Nasionál (PN), Kinta (26/03).

“Hau hakarak hato’o ba governu, liu-liu ba Vise-Ministra Saúde Primaria Em-Exercíciu, Élia António Amaral dos Resis, atu bele fó oportunidade ba jornalista sira bele hetan infórmasaun hosi ita bo’ot ho infórmasaun ne’ebé kredivel, atu nune’e sira fahe ba ita nia  povu tomak, tanba tempu ida hanesan ne’e povu sira presiza hetan infórmasaun hosi jornalista sira ne’ebé mak transmite liuhosi media imprime no elektronika sira”, hateten deputada PD, Elvina Souza.

Deputada ne’e husu ba ministériu saúde labele subar informasaun kona-ba COVID-19, maibe tenke kolabora ho jornalista sira hodi fó sai informasaun ba públiku.

Kestaun ne’e distinta deputada foti iha meza parlamentu nasionál tanba relasiona ho antes ne’e iha media balu fó sai kona-ba kualidade tratamentu hosi Vise-Ministra Saúde nian ba jornalista sira mak hamosu lamentasaun balu.Uar

Leave a Reply

Your email address will not be published.