PN Autoriza PR Lú Olo Dekreta Estadu Emerjénsia
Naunil Media (Díli), Kinta (26/03) ne’e, Parlamentu Nasionál (PN) desidi a-favór hodi fó autorizasaun ba Prezidente Repúblika (PR) Francisco Guterres ‘Lú Olo’ hodi dekreta estadu emerjénsia.
Apresiasaun ba pedidu hosi Xefe Estadu Timor-Leste (TL) Ló Olo relativu autorizasaun hodi deklara estadu emerjénsia iha teritóriu Timor laran tomak, tanba hafoin diskusaun iha Parlamentu Nasionál maioria a-favór ba pedidu ne’e.
Konsellu Ministru aprova pedidu estadu emerjénsia ne’e iha Segunda (16/03) no Xefe Estadu ‘Lú Olo’ aprezenta pedidu autorizasaun ne’e ba Parlamentu Nasionál iha Tersa (24/03) ne’e.
Nune’e iha Kinta (26/03) ne’e, Parlamentu Nasionál halo debate hodi fó biban ba deputadu idak-idak hodi halo sira nian deklarasaun.
Prezidente Parlamentu Nasionál (PPN), Arão Noe de Jesus da Costa Amarál, hateten loke debate aberta atu deputadu idak-idak bele expresa kona-ba deklarasaun votu.
“Rezultadu votasaun a-favór 64, kontra mamuk (0) no abstensaun mamuk (0), nune’e mesajen prezidente repúblika nian aprova ho unanimidade iha Parlamentu Nasionál. Estadu emerjénsia ne’e hahu iha oras 00.00 Sesta (28/03) to’o oras 23:59 loron 23 fulan Abríl tinan ne’e”, PPN Arão Noe anunsia hafoin deputadu/a sira halo votasaun nominal.
Deputadu bankada Parlamentál Fretilin, Fretilin Joaquim dos Santos, hateten nia vota a-favór tanba tanba povu labele mate tanba corona virus (COVID-19).
“Hau vota a-favór atu povu labele tanba corona virus (COVID-19)”, dehan deputadu ne’e.
Deputadu PD, Mariano Assanami Sabino, dehan nia vota a-favór tanba di’ak ba estadu Timor-Leste. Ana