OJE 2021, Governu Fó Prioridade ba Seitór Lima
Naunil Media (Díli), Primeiru Ministru (PM), Taur Matan Ruak, hateten maske dadaun ne’e Governu konstituisionál da-ualu seidauk halo diskusaun ba Orsamentu Jerál Estadu (OJE) tinan letivu 2021, maibe Governu tau ona prioridade ba seitór lima.
Seitór lima ne’e mak hanesan Edukasaun, Agrikultura, Saúde, Turizmu no Reforma Instituisional.
“Kona-ba Orsamsntu 2021 mak ita sei haree prioridade sira, hanesan ita hotu hatene foin dadaun planu rekuperasaun ekonómika, ekipa ne’ebe aprezenta tiha ona ba Konsellu Ministru aprova tiha ona. Baze hosi planu ida ne’e mak Ministeriu sira sei prepara sira nia programa, sira nia planu atividade, sira aprezenta hodi aloka orsamentu”, PM Taur Matan Ruak, ba jornalista sira hafoin sorumutuk semenal ho Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Kinta (13/07).
Xefi Órgaun Ezekutivu, Matan Ruak, dehan kona-ba Osamentu Jerál Estadu 2021 sei hein diskusaun inklui halo revisaun ba iha orsamentu. Dms
