WFP Apoia Ai-han ba Estudante Sira 189 iha Dare
Naunil Media (Díli), Kinta (13/08) ne’e, Programa Mundiál de Alimentos das Nações Unidas (WFP-Sigla Inglesh) iha Timor-Leste (TL) apoia ai-han ba estudante sira hamutuk nain 189 husi Ensinu Bázika Filial (EBF) Lelaus Dare I, II, III.
Country Diretór WFP iha Timor-Leste, Dageng Liu, informa projetu pilotu refere hodi koresponde ba situasaun pandemia global Surtu COVID-19, tanba afeita ba programa merenda escolar ne’ebe dadaun ne’e seidauk funsiona ho di’ak iha eskola sira.
Country Diretór WFP iha Timor-Leste, Dageng Liu, hateten projetu pilotu ne’e la’os atu tein iha eskola sira, maibe fó estudante sira idak-idak lori fila ba sira nian uma hodi te’in loron-loron hodi konsumu molok ba eskola.
“WFP realiza programa pilotu ne’e tanba atu apoiu ita nian oan sira, bainhira sai husi kabun labele mamuk. Sira tenki han bosu atu bele simu materia iha prosesu ensinu apriendijazen” informa Country Diretór WFP iha TL, Dageng Liu.
Country Diretór WFP iha Timor-Leste, Dageng Liu, hatutan projetu pilotu ne’e sei implementa mos ba eskola sira teritóriu Timor laran tomak iha tinan 2021.
Iha fatin hanesan, Vise Ministru Edukasaun Joventude no Desportu (MEJD), António Guterres, reprezenta Governu konstitusionál da-ualu agradese ba parseiru Internasionál sira, liu-liu WFP, tanba apoia ona ai-han ba estudante sira.
Nune’e Vise-MEJD, António, apela ba inan-aman sira atu prepara hahan ba oan sira antes ba eskoal.
“Ita nian estdante sira hetan fornesementu ai-han husi WFP nian programa Hodi Lori Ba Uma. Hau husu ba inan-aman sira tenki fó atensaun ba kondisaun saude oan sira nian, labele husi sira kabun mamuk ba eskola, tanba impaktu ba labarik sira se labele simu material ho di’ak”, dehan Governante ne’e.
Kada estudante simu foos grama 200, koto grama 100, mina bimoli milli litru 100, manu tolun rak ida, modo tahan no hudi. Fet
