Edifisíu Foun PN no Rezidensia ba Deputadu Sira Sei Okupa Rai Ektare 10 iha Hera

Naunil Media (Díli), Kinta (13/08) ne’e, Prezidente Parlamento Nasionál (PPN), Aniceto Longuinhos Guterres Lopes ho Ministru Justisa (MJ), Manuel Cárcerres, sira deskute kona-ba atu harii edifisíu foun Parlamentu Nasionál (PN) no rezidensia ba deputadu/a sira, ne’ebe sei okupa rai ektare sanulu (10) iha Hera.  

Hafoin reuniaun iha Gabinete PPN iha Uma Fukun, Ministru Justisa, Manuel Cácerres, haktuir prensensa iha Gabinete sira koalia koana-ba kondisaun Parlamentu Nasionál hodi deskuti ba harii fali edefísiu Parlamentu Nasionál foun, tanba konsidera uma fukun atuál la fó ona dignidade ba deputadu sira atu halo serbisu nu’udar órgaun soberania ida.

“Tuir lei, reprezenta estadu hodi administra bens moveis estadu nian maka Ministériu Justisa, tanba ne’e hau aprezenta ona vizaun oinsá mak bele harii fali edefísíu fóun ba órgaun estadu daruak. Presiza fatin luan, ne’ebé hare’e hotu ona fatin hirak iha Dili laran ne’e, maibé labele, presiza ses an husi Díli, no sei ba haree fatin iha Hera, liu-liu ba rai estadu sira ne’ebé sei mamuk hela iha Hera maiz ou menus éktare 10”, tenik Ministru Justisa Manuel Cárcerres.

Kona-na ne’e, Cácerres, sei orienta ekipą tékniku serbisu kadastrál atu haree, hafoin makk sei aprezenta fali ba Prezidente Parlamentu Nasionál.

Sekretária Jerál Parlamentu Nasional, Cedeliza Faria, informa planu orsamentu ba 2021 nian, Parlamentu Nasionál sei aloka ba halo dezeñu edifisíu foun ho estudu, tanba fóin mak atu haree rai ne’ebé fóra husi Díli laran.

“Tuir planu konstrusaun sei hahú iha tinan 2022 bele inisiu ona primeria pedra ba edifisíu ne’e, komesa husi 2020 to’o 2022. Kona-ba dezeñu nian, ami seidauk bele hatene maibé mai ou menus bele gasta orsamentu ho montante millaun $1, maibé ida ne’e hanesan tentativa depois ami ko’alia arkitetu sira ne’ebé atu prepara ba dezeñu, hafoin mak bele hatene loloos”.Dehan, Sekretária Jerál Parlamentu Nasional, Cedeliza Faria. Ana