FRETILIN, KHUNTO no PLP Sei Submete Mosaun Ba Meza PN

Fahe Tutan

Naunil Media (Díli), Bankada Parlamentar tolu (3) kompostu hosi Partidu Libertasaun Populár (PLP), Kmanek Haburas Unidade Nasionál Timor Oan (KHUNTO) no Frente Revolusionária Timor-Leste Independente (FRETILIN), semana oin sei haruka pedidu destituisaun hasoru kompozisaun meza Parlamentu Nasionál (PN).

Karte pedidu ne’e sei haruka ba meza PN hanesan Prezidente Parlamentu Nasionál (PPN), Arão Noé de Jesus da Costa Amaral hosi CNRT, Vise-Prezidente PN, Maria Angelina Sarmento Lopez hosi PLP, Segundu Vise PN, Luís Roberto hosi KHUNTO, Sekretária Meza PN, Maria Terezinha Viegas hosi CNRT no sekretária seluk hosi UDT/FM no PLP.

Vise xefe bankada PLP, Deputadu Francisco de Vasconcelos, informa ba jornalista sira, iha Parlamentu Nasionál, Segunda (04/05)

“Sei  ba Mosaun destituisaun tenke iha hodi fó apoiu ba VIII Governu. Tenke iha mudansa iha meza Parlamentu nian. Semana ida ne’e ita aprezenta ona mosaun destuituisaun ba Meza Parlamentu Nasionál nian. Tanba tuir postura polítika ne’ebé muda. Destituisaun ne’e fásil loos, halo de’it abaixo asinadu, aban aprezenta ba Prezidente Parlamentu Nasionál” esplika Nia.  

Francisco explika liu-tan, deputadu na’in-10 hosi bankada FRETILIN, PLP no KHUNTO mak sei asina pedidu ne’e hodi aprezenta ba PPN, Arão Noé de Jesus da Costa Amaral.

“Ejizénsia polítiku mak obriga tenke halo, rejimentu Parlamentu hateten Prezidente Parlamentu Nasionál bele renúnsia nia mandatu. seluk mak liuhosi mosaun destituisaun ne’e. Ha’u haree ohin mos plenária laiha ajenda entaun sinál la diak”, tenik deputadu hosi bankada PLP ne’e.

Nia dehan, ajenda iha semana kotuk iha, maibé Prezidente Parlamentu Nasionál kansela tiha ajenda ba plenária. “Governasaun ida-di’ak liu mak partidu ida manán maioria iha Timor-Leste nian. Tan ne’e insidénsia Parlamentár hodi konsentra hanoin hamutuk hodi apoia kualkér Governu ne’ebé  mak iha”. Dehan Nia. Ana

Leave a Reply

Your email address will not be published.