Advogadu Hatama Ona Petisaun Ba TR, Membru PN Nain 18 Mak Asina

Fahe Tutan

Naunil Media (Díli), Membru Parlamentu Nasional (PN) nain sanolu resin ualu (18), liuhosi sira nia advogadu Manuel Tilman ho Miguel Acácio Faria, purvolta tuku 09:30 Otl, ba hatama ona ‘petisaun’ ba Tribunál Rekursu (TR), hodi husu fiskalizasaun ba konstitusionalidade aktu Prezidente Repúblika (PR), Francisco Guterres ‘Lú Olo’ nian.

Karta petisaun ne’e entrega direita hosi Advogadu Manuel Tilman ho Miguel Acácio. Sira akompaña mos hosi Adjuntu Sekretáriu Jerál Partidu CNRT, Jacinto Rigoberto, inklui kuadru Aliansa Maioria Parlamentár (AMP) foun balun.

Prezensa ekipa advogadu ne’ebé hatama petisaun ne’e simu diretamente hosi Prezidente Tribunál Rekursu, Deolindo dos Santos no ekipa advogadu mos ba halo kedas rejistu iha parte sekretariadu TR nian. Membru PN nain sanulo resin walu (18) ne’ebé asina petisaun ne’e mai hosi bankada CNRT, Bankada PD, Bankada UDT, Frente-Mudansa (FM) no PUDD.

 Hafoin entrega karta petisaun ne’e, Advogadu Manuel Tilman, hateten konteúdu hosi karta petisaun ne’e atu husu apresiasaun ba Tribunál Rekursu hodi halo fiskalizasaun hodi apresia aktu Prezidente Repúblika Lú Olo nian.

“Ami nia prezensa iha Tribunál Rekursu tuir saida mak konstituisaun hateten kompri konstituisaun, tanba ne’ Tribunál Rekursu  mak sei anunsia” informa advogadu Manuel Tilman ba jornalista sira, Terça, (05/05).

Manuel Tilman mos fó razaun katak, membru PN nain 18 ne’ebé halo “a baixu asinadu” karta petisaun ne’e intende katak iha aktu barak mak Prezidente Repúblika foti liga ho situasaun polítika rai-laran seidauk responde ba konstituisaun, hanesan iha artigu 86 alínea F hateten, katak kuandu la aprova orsamentu jerál estadu (OJE) liu loron 60 tenke disolve Parlamentu Nasionál, maibé ida ne’e Prezidente Repúblika la kompri.

Advogadu Manuel Tilman esplika tan, tuir iha artigu 106 Konstituisaun katak indijitasaun ba Primeiru-Ministru tuir eleisaun se mak manan nia mak indijita iha indijitasaun Primeiru Ministru oitavu governu iha koligasaun AMP ne’ebé manan eleisaun mak Taur Matan Ruak. Ne’e duni tuir Konstituisaun, nia laiha ona maioria Parlamentu Nasionál no Taur Matan Ruak rasik husu demisaun, maibé to’o ohin loron, laiha resposta hosi Prezidente Repúblika katak simu ka la simu. 

Nia explika liu-tan, “Seluk mak liu-liu orsamentu jerál estadu, ohin loron, povu halerik devia parlamentu desolvidu tiha tanba orsamentu laiha”.

“Devia orsamentu laiha parlamentu ne’e desolvidu ona, se Prezidente Repúblika iha kulpa ruma karik, iha ne’e deit.tanba liu loron 60 la konsege aprova orsamentu jerál estadu halo disolvidu hodi hetan fali governu foun hodi aprezenta fali orsamentu foun para rezolve povu ida ne’e nia problema”, teniak Manuel Tilman.

Tuir Nia, karta petisaun ne’e, hatama iha prazu ba loron 30 sura hosi hatama karta petisaun hodi Tribunál Rekursu halo análiza no fó apresiasaun. Ana

Leave a Reply

Your email address will not be published.