Estudante Emfermájen Nain-21 Juramentu Molok Hala’o Prátika Terenu

Fahe Tutan

Naunil Media (Manufahi), Sábadu (26/09) ne’e, iha Luak, postu administrativu Same, estudante enfermájen husi Institutu Boaventura Timor-Leste (IBTL) nain rua nulu resin ida (21) hala’o juramentu molok tuun ba halo prátika iha terenu.

Reitóra Intitutu Boaventura Timor Leste-IBTL, Quiteria Da Costa, informa  estudante sira ne’e sei destaka iha ospital Manufahi no Maubise.  

“Estudante enfermájen mak halo juramentu atu kontinua sira nia estájiu iha terenu hamutuk nain-21, kompostu husi feto-15 no mane-6, sira sei halo estájiu iha saúde Manufahi, tuir planu sei destaka mos ba iha hospital referal Maubisse”, Reitóra IBTL, Quiteria Da Costa, ba jornalista Naunil Media, ambitu despedida estudante estajiáriu iha Luak, postu administrativu Same.

Magnífika Reitóra, IBTL, Quiteria Da Costa, esplika juramentu nu’udár sinal ida hodi fó atendementu ba pasiente sira ho dignu, nune’e labele fó impaktu negative ba vida pasiente sira nian.

“Husu ba dosente ho dekanu sira atu kontrola nafatin estudante sira iha tempu prátika, nune’e bele fó valór ba sira nian (estajiáriu) future” apela reitóra ne’e.

Nia husu mos estudante estajiáriu sira atu implementa tuir teoria mak durante ne’e  apriende.

Iha fatin hanesan reprezentante, Presidente Konsellu Veteranus Munisipiu Manufahi, aktual Vise Reitór III ba asunto Estudantil, Antoninu Doutel Sarmento, agrdese ba veternu sira mak harii ona eskola sai knuak apriende ba foinsa’e sira.

“Orgullu ba fundadór veteran Vidal De Jesus ‘Riak Leman’ ho nia estrutura tomak, ho hanoin ne’ebe diak harii eskola ida ne’e hodi kapasita estudante sira bele sai ema ne’ebe mais kualifikadu”, tenik Nia.

Tuir Nia, dezemvolvemtu edukasaun importante ba sosiendade, tanba mata dalan ba povu no jerasaun foun.

Institutu Boaventura Timor-Leste-IBTL hanesan institute superior mak hahu  halo inskrisaun dahuluk iha 2016 no hahu aula aprendijazem iha 2017 no dadaun ne’e institutu refere halo estajiua ba ba dala tolu ona. Nfm

Leave a Reply

Your email address will not be published.