Lidera AIFAESA, Ernesto Monteiro Simu Pose Troka Abilio Oliveira Sereno

Fahe Tutan

Naunil Media (Dili), Ministru Koordenadór Asuntu Ekonómia (MKAE), Joquim Amaral fó pose ba Ernesto Monteiro hodi troka fali inspektor jeral sesante Abilio Oliveira Sereno hodi lidera instítuisaun Autoridade Inspekesaun Fiskalizasaun Ekonómiku Sanitaria no Alimentar (AIFAESA), durante tinan tolu.

Nomeasaun ne’e bazeia ba despaisu husi MKAE Joaquim Amaral ho númeru 3/MAKE/2021.

Iha deskursu MKAE Joaquim Amaral, hateten, tomada de posse ne’e atu kompleta instítuisaun AIFAESA ne’ebé kompleta nian estrutura hodi nomea señor Ernesto Monteiro hanesan primeiru Inspesktór Jerál hodi lidera AIFAESA troka señor Kordenadór AIFAESA Abilio Sereno ne’ebé nia mandatu hotu ona iha loron 30 fulan marsu 2021.

“Nomesaun ida ne’e, Inspektór Jerál AIFAESA foun bele garantia diretu konsumidór no garantia ekonómia atraves ai-han no sasan sira ne’ebé tenke prense padraun, entermus kualiadade ne’ebe tuir duni direitu konsumidór nia hakarak”, dehan Joaquim hafoin fó pose ba inspetór Jerál AIFAESA Enesto Monteiro, iha salaun AIFAESA Villa Verde, Kinta (01/04/2021).

Nia deklara “Ezemplu ita tau iha ne’ebé litru ida ,iha regulamente tenke ba sukat litru ida iha ne’eba, hanesan mós ai-han iha nian tempu liu (expire) entaun tenke garantia duni ba konsumidór ai-han ne’e liu prazu nune’ebé bele hetan ai-han ne’ebé saudavél nune’e labele prejudika fali konsumdór sira saude”, nia hatutan.

Iha fatin hanesan Inspektór Jerál AIFAESA Ernesto Monteiro nia parte hato’o agradese ba VIII governu liu hosi MKAE ne’ebé fó fi’ar hodi lidera AIFAESA, nune’e nia promete sei halo nia servisu ho di’ak.

“Ha’u sei halo kna’ar tuir kbiit ne’ebé maka iha. No halo tuir saida maka ohin ha’u temi ona iha pose”, Ernesto.

Nia deklara ho nia mandatu durante tinan tolu sei foku ba area tolu imprtante mak hanesan ida; legalidade, kualker atividde ekonomiku ne’ebé maka iha hotu-hotu tenke iha base legal, seluk maka sei aposta ba kualidade no kuantidade.

Kordenadór sesante AIFAESA Abilio Oliveira Sereno nia parte agradese ba VI Governu Konstitusionál ne’ebé fó fiar hodi lidera AIFAESA iha tinan haat fulan neen nia laran.

“Rekoñese durante ne’e iha ha’u nia-mandatu iha dezafisus no problema oin oin, maske nune’e i servisu AIFAESA nian balun lao di’ak, nune’e ikud konsege atinji buat balun” deklara prezidenti sesante Abilio Oliveira Sereno
Nune’e nia espera ho prezensa Inspektór Jerál AIFAESA foun bele mellora liu tam servisu sira ne’ebé durante ne’e seidauk atinji.

Entertantu partisipa iha atividade ne’e partisipa husi Ministru Turizmu Komersiu Industria (MTKI) José Lucas do Carmo da Silva, no direjentes Ajensia autónomu ne’ebé iha MKAE nia okos.Pau

Leave a Reply

Your email address will not be published. Required fields are marked *