Faustino Cardoso Husu PM Taur Nomeia Ema Seluk Lidera KFP

Fahe Tutan

Naunil Media (Díli), Atuál Prezidente Komisaun Funsaun Públiku (KFP), Faustino Cardoso husu Primeiru Ministru (PM) Taur Matan Ruak   atu nomeia ema seluk hodi lidera FKP, tanba nia mandatu sei termina iha loron 29 fulan Maiu 2020.

Prezidente KFP, Faustino Cardoso, ba jornalista hafoin remata sorumutuk ho Primeiru Ministru (PM), Taur Matan Ruak, iha Palasiu Governu, Segunda (04/05).

“Ho Primeiru Ministru atu haree Komisaun Funsaun Públiku KFP ninian la’o oinsa, nune’e ko’alia ho Primeiru Ministru atu koalia kontinuasaun no mandatu ba oin ne’e oinsa”, hateten Prezidente KFP, Faustino Cardoso.

Eis Presidente CNE, Faustino haktuir, Primeiru Ministru bolu nia hodi koalia kontinuasaun lideransa ne’ebe atu lidera KFP, tanba tempu badak iha komisáriu sei falta iha KFP.

“Ohin hela deit loron 25, nune’e hanesan Presidente Komisaun Funsaun Públiku haruka ona karta mai Primeiru Ministru, nune’e mos haruka ba parlamentu nasionál atu haree mandatu tuir mai, tanba hosi komisáriu nain lima ne’ebe iha, tolu mai hosi governu rua mai hosi parlamentu nasional”, tenik Nia.

“Ohin ami koalia atu haree ba iha mandatu atual, tanba covid, ba oin labele prejudikadu atu nunee haree seluk nee oinsa,no nia baze legal sira oinsa” tenik nia.

Kona ba ema ne’ebe atu subtitui hikas, atual Prezidente KFP dehan, komisaun haruka ona lista naran ba Primeiru Ministru mak sei tetu no deside no iha tempu hanesan komisaun mos manda ona lista naran ba Parlamentu Nasionál atu tetu hamutuk. Uar

Leave a Reply

Your email address will not be published.