Ministru Joaquim : Prosesamentu Bee GOTA Prienxe Regra Sira WHO
Naunil Media (Díli), Ministru Koordenadór Asuntu Ekonómiko (MEKAE), Joaquim Amaral, hateten prosesamentu bee GOTA ne’ebé produs husi empreza Gota ne’e prienxe ona regra sira husi Organizasaun Mundiál Saúde (WHO-Sigla Inglesh) ne’ebé bele konsumu nasionál.
Ministru Joaquim Amaral, ba jornalista sira hafoin vizita fatin fábrika prosesamentu bee Gota, iha Aimutin, Sesta (12/02).
“Ami haree prosesamentu produtu bee Gota sai produtu nasionál ne’ebé prenxe rekezitu estandar tuir lei no materiál ne’ebé kontein iha bee laran hatudu duni produsaun bee ne’e iha kualidade tuir regras organizasaun saúde mundiál”, dehan ministru Joaquim.
Ministru ne’e hatutan, bee Gota hanesan produtu nasionál ne’ebé la lakon ho bee importadu sira, nune’e governu sei serbisu atu apoiu ho kondisaun hodi empreza nasionál sira bele hetan fatin. Governu iha polítika ba rekupersaun ekonómia tanba setór privadu mak sai parseiru di’ak ba dezenvolvimentu ekonómiku iha Timor-Leste.
“Governu hakarak aprosima atividade sira ne’e tanba di’ak tebes atu ita-nia produtu bele hetan fatin boot iha merkadu nasionál atu redus bee importadu sira. Governu mós husu ba konsumu Timor-oan sira atu labele duvida konsumu produtu Gota tanba iha kualidade no liu ona teste iha laboratóriu”, Governante ne’e informa.
Joaquim dehan, parte governu apersia haree progresu produsaun no hein katak investimentu indústria bele inspira Timor-oan ho autór ekonómiku atu investe no esplora potensialidade sira seluk.
Iha vizita empreza Gota ne’e Ministru Koordenadór Asuntu Ekonómiko (MEKAE) Joaquim Amaral akompaña husi Diretór Ezekutivu servisu ba Rejistu no Verifikasaun Emprezariál (SERVE), Autoridade Inspesaun no Fiskalizasaun Atividade Ekonómi, Sanitária no Alimentasun (AIFAESA) no Autoridade Aduaneiru Alfandega (AAA). Latu
