COVID-19: Inan Faluk Francisca Kontinua Hamahan-án Iha Ponte CPLP Nian Okos Hodi Hala’o Aktividade Negósiu

Fahe Tutan

Naunil Media (Díli), Maske ohin loron iha nasaun barak iha mundu preokupa, ema barak mate tanba moras global hanaran Corona Virus Desease 2019 (COVID-19).

Virus global ne’e mos sai preokupasaun ba Estadu no governu Timor-Leste (TL) hodi halo servisu maka’as atu kombate. Nune’e iha Xefe Estadu Timor-Leste, Fracisco Guteres ‘Lú Olo’ dekreta no hodi deklara Estadu Emerjénsia ba-daruak nian ho objetivu atu halo prevensaun no kombate COVID-19, limita aktividade hotu-hotu, liu-liu povu negosiante ki’ik sira labele hala’o nia aktividade fa’an.  

Situasaun ida ne’e, afeita ba inan faluk Francisca Mafalda Freitas, núdar negosiante ki’ik mak durante ne’e hala’o nia aktividade negósiu iha ponte Comunidade dos País da Lingua Português (CPLP) Comoro nian okos.

Implementasaun Estadu Emerjénsia, ema hotu-hotu hakmatek iha uma, halo distassiamentu social núdar meiu ida atu prevene no kombate COVID-19 iha Timor-Leste, maibe pelu kontrariu inan faluk Francisca kontinua hala’o nia aktividade negóriu iha ponte okos tanba atu sustenta ba oan sira nian nesesidade.

Feto Faluk, Fracisca Mafalda, haktuir maske Estadu implementa estadu emerjénsia hodi limita ema nia aktividade, maibe nia kontinua fa’an sasan hodi responde nesesidade oan sira nian, tanba laiha apoia humanitarian.   

“Lai iha ema ruma mak fó ajuda ruma ba ha’u, hau  mak tenke buka osan hodi sustenta ba ami nian moris loro-loron nian. Durante iha estadu emerjénsia nian laran laiha ema tau matan, ami nain rasik buka hodi sustenta. Se la’e ami bele mate ba hamlaha”, Francisca Mafalda Freitas ba Naunil Media iha ponte CPLP, Comoro, Sábadu (25/04).

Inan faluk franicisca fa’an sasan bazíku ho modulu hanesan mini kantina iha  ponte okos, nia fa’an mak café, supermi no akompaña bee manas ba ema sira ne’ebé liu ponte okos.

“Iha estadu emerjénsia ha’u fa’an mak hanesan kafé no supermi, maibé uluk ne’e loron ida bele hetan U$ 10.00. Agora estadu emerjénsia ne’e loron ida hetan U$ 2.00 dala ruma mak hetan U$ 3.00, sosa fós mos lakotu, e hau sente triste tebes”, Tenik Francisca Mafalda.

Tuir Feto Faluk ne’e, katak estadu hanaruk tan situasaun ida ne’e mak povu sei mate ba hamlaha tanba labele sai husi uma hodi fila liman sustenta moris lor-loron nian.

“Moras seidauk kona ita, ita mak sei mate uluk ona ba hahan, la’ós mate ba COVID-19. Tan ne’e estadu ho governu presiza mós tau atensaun didiak ba povu nian moris oin loron”, Dehan Nia.

Enkuantu Inan faluk Francisca Mafalda ho oan hamutuk nain 6. Pau

Leave a Reply

Your email address will not be published.