CIGC Agradese Ba Pasiente COVID-19 Rekoperadu

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Sergio Lobo, hateten apresia no agradese ba pasiente rekoperadu sira, tanba ho esforsu no servisu hamutuk ho governu  bele kombate ona COVID-19 iha sira nia isin lolon ho sira nia imunidade ne’ebe forti.

Portavoz CIGC, Sergio Lobo, ba jornalista sira iha areadór Serntu Izolentu Vera Cruz, Sábadu (25/04).  

“Agradese ba maluk sira ne’e nia koperasaun di’ak ho governu, tamba sira nia koperasaun no boa vontade bele evita infesaun ne’e. Ho teste ne’ebe sira hetan negativu dala rua tutuir malu, hatudu katak sira nia imunidade mak oho rasik virus nee”, ihateten porta voz CIGC, Sergio Lobo.

Iha sorin seluk, pasiente COVID-19 ne’ebe rekoperadu nia reprejenta, mos agradese ba governu liuhosi CIGC durante ne’e bele fo tratamentu di’ak ba sira to’o rekoperadu.

“Agradese ba maromak no agradese ba governu liuhosi Sentru Integradu Jestaun Krize, ne’ebe lidera hosi Primeiru Ministru Taur Matan Ruak ho nia ekipa tomak. Iha ne’e ami hetan tratamentu di’ak hosi ita bo’ot sira”, dehan reprezentante pasiente COVID-19 sira.

Iha loron ne’ebé hanesan, Liuhosi Sala Situasaun, Porta voz Sentru Integradu Jestaun Krize (CIGC-Sigla Português), Odete da Silva Viegas, informa kazu konfirmadu pozitvu COVID-19 iha Timor-Leste mantein nain 24 no nain neén  mak rekoperadu.

“Rekoperadu nain 5 hosi provavel nain 4 no pozitivu nain 1, hafoin kompleta sira nian teste laboratóriu daruak nian, nia rezultadu hatudu negative no dadaun ne’e fó sira fila on aba sira nian família” Porta voz CIGC, Odete da Silva Viegas, ba jornalista sira iha Centro de Convenções de Díli (CCD).

Nia relata informa liu tan, “Totál kazu rekuperadu dadaun ne’e hamutuk nain neén. Ne’ebe nain lima horseik rekopera no nain nain ida mak kazu primeiru nian, enkuantu to’o agora númeru mate seidauk”. Odete da Silva Viegas haktuir, total númeru teste nain 409, total rezultadu laboratóriu pendente hamutuk nain 18, total kazu konfirmadu mantein 24, kazu foun nain 1, rezultadu laboratóriu negative nain 367. Uar

Leave a Reply

Your email address will not be published.