Pasiente COVID-19 Rekoperadu : “Deskulpa Ba Pesoál Saúde no Seguransa”
Naunil Media (Díli), Reprezentate Pasiente moras Corona Virus Desease 2019 (COVID-19) rekoperadu hato’o agradese no deskulpa ba pesoál saúde no seguransa sira ne’ebe durante ne’e fó asistensia.
“La haluha ami nia deskulpa ba pesoál saúde no seguransa sira ne’ebe durante akompana ami. Dala barak ami kritika tanba ami iha duvida. Dala-ruma ami nia lia-fuan no hahalok la monu ba ita bo’ot sira nia laran ne’ebe bei-beik ami halo. Iha momentu ida ne’e reprezentate kolega sira hotu nia naran hato’o deskulpa ba ita bo’ot sira no Membru PNTL sira hotu”, dehan reprezentate pasiente Covid-19 rekoperadu, iha Sentru Izolamentu Vera Cruz, Sábdau (25/04).
Reprezentante ne’e hatutan, “Agradese mos ba ekipa Sentru Integradu Jestaun Krize mak durante ne’e halo esforsu maka’às atu salva ami nia saude”, tenik Nia
“Iha liur ou publiku dehan ai-moruk kura COVID-19 nian la iha, maibe maibe hau atu dehan de’it ba públiku katak, ami iha ne’e bele rekopera tanba ho imunidade forte bele kura rasik virus ne’e. Ami rekopera atu fila ona ba uma lahaluha agradese nafatin ba ita bo’ot sira nia esforsu no sakrifisiu, pasensia ne’ebe durante ne’e halo ba ami”, esplika Nia.
Reprezentate pasiente Covid-19 rekoperadu ne’e husu ba públiku tomak katak, mantein kompri nafatin regras no lei ne’ebe Ministériu Saúde fo sai ona hanesan Distansia sosiál, distansia fiziku, fase liman beibeik ho sabaun no tenke uza maskra
Iha loron ne’ebé hanesan, Liuhosi Sala Situasaun, Porta voz Sentru Integradu Jestaun Krize (CIGC-Sigla Português), Odete da Silva Viegas, informa kazu konfirmadu pozitvu COVID-19 iha Timor-Leste mantein nain 24 no nain neén mak rekoperadu.
“Rekoperadu nain 5 hosi provavel nain 4 no pozitivu nain 1, hafoin kompleta sira nian teste laboratóriu daruak nian, nia rezultadu hatudu negative no dadaun ne’e fó sira fila on aba sira nian família” Porta voz CIGC, Odete da Silva Viegas, ba jornalista sira iha Centro de Convenções de Díli (CCD).
Nia relata informa liu tan, “Totál kazu rekuperadu dadaun ne’e hamutuk nain neén. Ne’ebe nain lima horseik rekopera no nain nain ida mak kazu primeiru nian, enkuantu to’o agora númeru mate seidauk”.
Odete da Silva Viegas haktuir, total númeru teste nain 409, total rezultadu laboratóriu pendente hamutuk nain 18, total kazu konfirmadu mantein 24, kazu foun nain 1, rezultadu laboratóriu negative nain 367. Uar
