COVID-19: “Estudante Fracisco Colo Hela Uma Kost Tenke Larametin Ba Viziñu, Tanba Laiha Ai-han”

Fahe Tutan

Naunil Media (Díli), Relasiona ho Estadu Emerjénsia ne’ébé mak fó sai hosi Estadu Timor-Leste (TL) ba prevensaun no kombate COVID-19, hahu hosi 26 fulan Marsu liu-bá bazea Lei nú.3/2020 hodi halo suspensaun ba atividade hotu iha rai-laran.

Implementasaun Estadu Emerjénsia ne’e lori impaktu negative ba komunidade no estudante balun iha Díli, liu-liu sira ne’ebe hela iha Uma Kost, sira tenke kesi kabun (hamlaha), tanba doók hosi família.

Situasaun ne’e, afeita ba estudante ida maihosi RAEOA-ZEESM, Fransisco Colo, ne’ebe daudaun hala’o nia estudu iha Universidade Nasionál Timor Lorosa’e (UNTL) no dadaun ne’e estudante refere hela mesak iha Uma Kost ida iha Bebonuk.

Estudante Fracisco Colo, hateten situasaun estadu emerjénsia ba prevensaun no kombate COVID-19 iha Timor-Leste ne’e, nia sente fó impaktu negative, tanba fó ameasa no ba ninia vida rasik bele mate tan hamlaha, tanba inan-aman iha foho la manda osan.

“Núdar estudante mak hela doók hosi família, senti triste tanba durante periodu implementasaun estadu emerjénsia, sira (Inan-Aman) la haruka osan mai. Sira atu haruka mai mos la di’ak, tanba Ró la halo operasaun”, informa estudante Fransisco Colo ba iha nia hela fatin Bebonuk ba Naunil Media, Sabadu (25/04).

Estudante Francisco Colo, informa liu-tan “Ferik Mesak, katuas mate ona entaun susar atu buka osan hodi haruka mai. Hau atu hola hahan no selu Uma Kost mos laiha”.

Fracisco Colo, haktuir situasaun ida ne’e obriga nia tenke laran metin fali ba viziñu bele hetan refesaun tolu iha loron ida hodi aguenta moris.

“Agora dadaun hau laran metin ba viziñu sira, maske sira la’ós hau nia maluk, maibe sira fó osan oitan mai hau. Liu-liu maun ida mak bolu hau hadia nia uma, nune’e nia fó osan ba hau hodi hola hahan lor-loron nian”, konta tuir estudante ne’e.

Nia hatutan, maske nune’e, osan ne’ebe viziñu fó nafatin lasufisiente ba selu Uma Kost nian.

“Uma Kost ne’ebé hau hela, dala ruma uma nain mak hanoin hau deit. Dala-ruma selu, lae hau selu oitoan oitoan”, tenik estudante Colo.

Francisco Colo, hateten karik estende tan implementasaun estadu emerjénsia ne’e,  sei fó risku no afeita ba ninia vida rasik (mate).

“Estadu prolonga, hanesan susar ne’ebe mak aumenta ba hau, atu ba ne’ebe, ferik mesak katuas mos mate ona. Saida mak hau sei halo hodi sustenta hau nia moris ida nee. Dalan di’ak bele sai na’ok teen deit ona”,  realsa Nia.

“Hakarak husu, estadu tau matan ba sira ne’ebe mak hela iha Uma Kost, liu-liu sira ne’ebé hela doók hosi inan-aman. Realsiona ho estadu emejénsia mak estadu Timor-Leste implemnta, atu komunidade no li-liu estudante sira labele sente hamalah”. Sujere estudante Colo. Dms

Leave a Reply

Your email address will not be published.