Konfirmadu Pozitivu COVID-19 Iha TL Mantein Nain 24, Rekoperadu Nain Neén

Fahe Tutan

Naunil Media (Díli), Liuhosi Sala Situasaun, Porta voz Sentru Integradu Jestaun Krize (CIGC-Sigla Português), Odete da Silva Viegas, informa kazu konfirmadu pozitvu Corona Virus Desease 2019 (COVID-19) iha Timor-Leste (TL) mantein nain 24 no nain neen  mak rekoperadu.

“Rekoperadu nain 5 hosi provavel nain 4 no pozitivu nain 1, hafoin kompleta sira nian teste laboratóriu daruak nian, nia rezultadu hatudu negative no dadaun ne’e fó sira fila on aba sira nian família” Porta voz CIGC, Odete da Silva Viegas, ba jornalista sira iha Centro de Convenções de Díli, Sábadu (25/04).

Nia relata informa liu tan, “Totál kazu rekuperadu dadaun ne’e hamutuk nain neén. Ne’ebe nain lima horseik rekopera no nain nain ida mak kazu primeiru nian, enkuantu to’o agora númeru mate seidauk”.

Odete da Silva Viegas haktuir, total númeru teste nain 409, total rezultadu laboratóriu pendente hamutuk nain 18, total kazu konfirmadu mantein 24, kazu foun nain 1, rezultadu laboratóriu negative nain 367.

“Totál profesionais saudé iha kuarentena hamutuk nain manetin nain 23. Totál ema iha konfimanetu obrigatóriu hamutuk nain 422 ne’ebe ema nain 72 hosi munisípiu no nain 289 hodi Díli. Auto kuarentena nain 61 ne’ebe iha munisipiu nain 49 no nain 12 iha Díli”, informa Odete.

Nia informa mos, total ema hirak ne’ebe pasa ona loron 14 iha konfinamentu obrigatóriu hamutuk nain 1680 ne’ebe nain 340 iha munisípiu sira no nain 340 iha Díli.

“Kazu konfimadu no provavél ne’e dadaun Timor-Leste rejistu sei nafatin, sei rejistu ba grupu cluster néen hanesan informa ona antes ne’e”, esplika Nia.

Nia haktuir liu-tan, “Kazu rekoperadu nain lima mai hosi Otél Katuas, hamutuk nain 2, Otél Fortuna nain 2 no Otél Novo Horizonte nain 1”, haktuir Odete.

Odete aproveita oportunidade ne’e, husu nafatin ba família no komunidade atu nafatin kopera hodi labele deskrimina sidadaun sira ne’ebe mak rekoperadu, tanba virus ne’e laiha ona, nune’e sir aba família atu bele hala’o sira nian vida normal, maibe nafatin mantein medida prevensaun.

“Hodi naran governu, hau hakarak kongratula ba profesionais saúde sira ne’ebe mak durante ne’e hala’o kna’ár”. Dehan Odete da Silva Viegas. Ana   

Leave a Reply

Your email address will not be published.