Pesoál Saúde Pozitivu Covid-19, Kontaktu Ona Ema Nain 29
Naunil Media(Dili). Kordenadór Ofisial Ligasaun Forsa Tarefa no Porta voz Sentru Integradu Jestaun Krize (CIGC-Sigla Português), Odete da Silva Viegas, informa ekipa vijilansia epidemiolojia rejistu ona ema nain 29 ne’ebe kontaktu direta ba pesoal saude ida nebe pozitivu Covid-19, no balun tama ona kuarantena.
Kordenadór Ofisial Ligasaun Forsa Tarefa no Porta voz CIGC, Odete da Silva Viegas, relata ba jornalista sira iha Sala Situasaun, Centro de Convenções de Díli (CCD), Sábadu (25/04).
“Kazu profesional saúde nain ida nian, historia kontaktu durante ne’e mak hanesan tuir mai ne’e, núdar halo kna’ár hanesan profesional saúde hodi atende pasiente COVID-19 iha Vera Cruz. Númeru ne’ebe pesoal saúde ne’e kontaktu proximu hamutuk 29 pessoas, inklui família no profesionais saúde. Sira ne’e hotu ekipa epidemiolojia kontaktu ona no balun ohin sei tama kuarentena”, relata Nia. relata.
Entertantu pasiente ne’ebe dadaun ne’e sei iha sala izolamentu Vera Cruz, pasiente pozitivu COVID-19 hela nain 18 inklui pesoal saude ida. Nune’e mos pasiente ne’ebe rekopera ona iha sala izolentu no ohin re-integra ona ba família hamutuk nain 5.
Entre sira nain lima nee mai husi Otel katuas nain rua, Otel fortuna nain rua no Otel Novu Horizonte nain ida, sira nain lima ne’e feto nain tolu no mane nain rua, balun husi munisipiu Díli, Manufahi no Viqueque.
Iha loron ne’ebé hanesan, Liuhosi Sala Situasaun, Porta voz Sentru Integradu Jestaun Krize, Odete da Silva Viegas, informa mos kazu konfirmadu pozitvu COVID-19 iha Timor-Leste mantein nain 24 no nain neén mak rekoperadu.
“Rekoperadu nain 5 hosi provavel nain 4 no pozitivu nain 1, hafoin kompleta sira nian teste laboratóriu daruak nian, nia rezultadu hatudu negative no dadaun ne’e fó sira fila on aba sira nian família” Porta voz CIGC, Odete da Silva Viegas, ba jornalista sira iha Centro de Convenções de Díli (CCD).
Nia relata informa liu tan, “Totál kazu rekuperadu dadaun ne’e hamutuk nain neén. Ne’ebe nain lima horseik rekopera no nain nain ida mak kazu primeiru nian, enkuantu to’o agora númeru mate seidauk”. Odete da Silva Viegas haktuir, total númeru teste nain 409, total rezultadu laboratóriu pendente hamutuk nain 18, total kazu konfirmadu mantein 24, kazu foun nain 1, rezultadu laboratóriu negative nain 367. Uar
