FEATUREDIkus LiuNewsSaude

Konfirmadu Pozitivu COVID-19 Iha TL Aumenta Ba Nain 24

Fahe Tutan

Naunil Media (Díli), Liuhosi Sala Situasaun, Porta voz Sentru Integradu Jestaun Krize (CIGC-Sigla Português), Sergio Lobo, informa kazu konfirmadu pozitivu Corona Virus Desease 2019 (COVID-19), iha Timor-Leste (TL) aumenta ba nain 24, hafoin rezultadu teste konfirmasaun hosi Darwin Australia.

Pasiente COVID-19 foun ne’e, pesoál saúde timor-oan ida mak durante ne’e hala’o servisu fatin izolamentu Vera Cruz. Enkuantu hosi númeru pasiente 24, nain rua mak rekoperadu.

“Hosi loron 21 to’o 23 fulan Abríl ne’e konfirmadu COVID-19 mantein ho nain 23, maibé ohin (Sesta 24/04) aumenta tan kazu foun nain ida, tanba hafoin simu rezultadu teste konfirmasaun hosi Darwin Australia, hatudu katak pesoál saúde ida hetan pozitivu COVID-19. Pesoál saúde ida ne’ebé refere durante ne’e halo atendimentu iha Sentru Saúde Vera Cruz  no iha Hospitál Nasionál Guidu Valadares (HNGV)”, Porta voz CIGC, Sergio Lobo, ba jornalista sira Centro de Convenções de Díli (CCD), Sesta (24/04).

Porta voz CIGC ne’e relata, “suspeitu sira mak halo teste konfirmasaun hamutuk nain 392. Rezultadu teste negativu nain 347, kazu provavél laiha ona. Nain 21 mak sei hein rezultadu. Ema ne’ebé sei iha kuarentena hamutuk 409. Pesoál saúde sira ne’ebé sei akompaña iha kuarentina hamutuk 23, inklui seguransa ida no ema ne’ebé sai ona hosi kuarentena hamutuk nain  1695”. Ana

Leave a Reply

Your email address will not be published. Required fields are marked *