SEKOMS Apela Juventude Aproveita Teknolojia Dijitál Ho Pozitivu
Naunil Média (Díli), Sekretariu Estadu ba Komunikasaun Sosiál (Sekoms), Merício Juvinal dos Reis “AKARA”, Apresia Organizasaun Naun Governamentál Plan Internasionál halo lansamentu ba plataforma digital hodi kontribui ba igualidade generu no prevensaun violensia domestika no kaben sedu.
Nune’e Sekretariu Estadu, Merício Juvinal dos Reis “AKARA”, Apela ba juventude sira atu aproveita teknolojia dijitál ho pozitivu iha tempu no situasaun saida de’it.
Merício Juvinal dos Reis “AKARA”, hato’o apresiasaun ne’e, iha seremonia lansamentu utilizasaun plataforma dijitál kontribui avansa igualidade jeneru no prevensaun violensia domestika, Hosi ONG Plan Internasional, Kuarta feira ne’e iha, Salaun Hotel JL Vila, Dili.
SEKOMS konsidera ONG “Plan Internasionál”, hatudu inisiativa di’ak hodi realiza kampaña Globál prevene asediu online, uza sala mídia dejitál online hodi proteje jovem feto sira hodi labele kaben sedu.
Governante ne’e enkoraja utiliza plataforma dijitál hodi sai inspirador no eduka jovem sira iha era dijitál, tanba, dadus utilizasaun plataforma Dijitál iha tinan 2021 Timor-Leste (TL) fó indikadór hosi total populasaun feto no mane ne’ebé uza iha dijitál husi tinan 13 leten hamutuk rihun 903.9 (67.9%), idade 18 ba leten hamutuk rihun 748.9 (56.3%) no tinan hosi 16-64 hamutuk 754.1 (56.7%).
Relasiona ho dadus ne’e, Ezekutivu ne’e apela mós ba jovem sira aproveita teknolojia dijitál iha kualker situasaun hodi aumenta kapasidade no promove an.
“Hanesan membru Governu ne’ebé tau matan ba iha área komunikasaun sosiál ha’u apela ba juventude sira aproveita teknolojia dijitál ho pozitivu iha tempu situasaun saida deit aprende no aumenta kapasidade no kreatividade ne’ebé pozitivu hodi promove imi nia an, familia, sosiedade no nasaun” Haktuir“AKARA”.
Durante ne’e, Governu liu hosi SEKOMS halo ona programa no atividade formasaun hodi suporta Joven sira aproveita uza teknolojia dijitál ho pozitivu hanesan, kompetisaun Youtuber, formasaun ba juventude iha munisípiu sira, kampaña kombate HOAX no promove internet saúdavel no empoderamentu grupu feto potensiál sira. Latu
