PNTL Apela Transporte Públiku Kompri Distásia Sosiál
Naunil Media (Díli), Komandante Jerál Polísia Nasionál Timor-Leste (PNTL), Komisáriu Polísia Faustino da Costa, hateten PNTL sei kontinua halo auto stop ka pasa revista ba movimentu transporte públiku no privadu sira mak tula familia atu kompri regras distánsia sociál eh fiziku.
“Haree sirkullasaun transporte públiku hahu maka’ás no la’o normal hanesan bai-bain. Ita labandu maibe halo pasa revista atu kareta sira tula ema karik tenke uza maskra no kompri distánsia fizika” komisáriu Faustino da Costa ba jornalista sira iha iha Kuartél Jerál, Fatuhada, Díli, Tersa (07/04).
Komisáriu ne’e hateten, movimentu transporte hahu maka’ás, kareta hodi tula ema barak iha laran, laiha distánsia no kontinua la’o livre nafatin, tanba ne’e komandu PNTL sei kordena ho komandante munisípiu hotu no lainklui RAEAOA-ZEESM hodi fó orientasaun atu halo auto stop.
Faustino da Costa dehan, tuir avaliasaun PNTL nian iha implementasaun estadu emerjénsia, iha violasaun regra movimentu ema nian kuaze hahu normal hanesan bai-bain no iha merkakdu ne’ebé la ho distánsia.
Tanba ne’e Komisáriu Polísia Faustino apela ba povulasaun hotu atu kompri regra estadu emerjénsia hodi prevene transmisaun surtu corona virus (COVID-19). Flo
