Japaun Sei Apoia Milliaun U$ 1 Ba Prevensaun COVID-19 Iha TL

Fahe Tutan

Naunil Media (Díli), Ministru Negosius Estrangeirus no Koperasaun (MNEK),  Dionísio da Costa Babo Soares, informa bazeia  ba pedidu ne’ebé governu Timor-Leste ninian husu , Japaun sei fó apoiu milliuan U$D 1 atraves UNICEF ba prevensaun surtu corona virus (COVID-19).

Ministru Negosius Estrangeirus no Koperasaun (MNEK),  Dionísio da Costa Babo Soares, ba jornalista sira hafoin partisipa entrega karta kredensiál hosi embaixadór foun Japaun Kinefutchi Masami ba Prezidente Repúblika (PR), Francisco Guterres ‘Lú Olo’ iha Palásiu Prezidensiál, Bairro Pité, Tersa  (07/04).

“Governu Japaun sira aprova ona osan hamutuk milliun U$D 1 ba Timor-Leste no sira sei hato’o liuhosi organizasaun sira iha Timor-Leste hodi prevene COVID-19”, hateten MENK Deonísio.

“Aprovasaun orsamentu ne’e governu Japaun sei liuhosi organisazasun internasionál hanesan UNICEF inklui organizasaun seluk ne’ebé  mak iha TL, hodi halo prevensaun COVID-19 no halo ba kampaña ba prevensaun COVID-19 nian. Antes ne’e governu Japau mós aprova uluk ona ba projetu 20  iha fulan hirak liu ba ne’ebé inplementa iha Timor-Leste”, Tenik Nia.

Nia dehan, “Ohin ne’e mós embaixadór Japaun foun mai, atu kontinua de’it serbisu ne’ebé embaixadór tuan sira halo ona iha Timor-Leste”.

Entretantu nasaun Japaun desde estabelese nian embaixada iha Timor-Leste fó  apoia tebes ba prosesu dezemvolvimentu  nasaun Timor Leste nian. Durante ne’e governu japau mós fó apoia seitór sira hanesan, Agrikultura, Edukasaun, saúde, infraestrutura, ekonómia, Turizmu  no seluk tan. Dms

Leave a Reply

Your email address will not be published.