Naunil Media (Díli), Prezidente Kamâra Komérsiu no Indústria Timor-Leste  (CCI-TL-Sigla Português), Oscar Lima, husu  Governu atu inplementa Lei Pra-Kualifikasaun ne’ebe antes ne’e iha ona.

 

Prezidente CCI-TL, Oscar Lima, ba jornalista sira hafoin sorumutuk ho Prezidente Parlamentu Nasionál (PPN), Anaceto Guterres, iha PN, Kuarta (22/07).  

“Ohin, ami mai hasoru Prezidente Parlamentu Nasional, Aniceto Guterres, hodi ko’alia ba kona-ba dekretu lei balun ne’ebé sei soke malu hela iha ita-nia rain.   Ami ko’alia liu kona-ba dekretu lei pra-kualifikasaun iha ona, maibé la konsege implementa, ami husu ba parlamentu atu bele fó hanoin ba  governu hodi implementa fila-fali lei ne’e”, haktuir emprezáriu Timor-oan atual prezidente CCI-TL, Oscar Lima.

Emprezáriu Timor-oan ne’e hatutan, sira prezensa atu husi ba parlamentu nasionál atu fó hanoin ba Governu hodi implementa dekretu Pra-Kualifikasaun.

“Ami sei hakilar nafatin no buka dalan oinsa mak atu bele implementa lei aprovizionamentu  ne’e tenke hasa’e ona kapasidade Timor oan sira nian no tenke fó oportunidade ba empreza timor-oan bainhira bele halo diversifikasaun iha seitór agrikultura, industria no sira seluk”.  Salienta Oscar Lima.    

Tuir Prezidente CCI-TL, Lei aprovizionamentu ho Pra-Kualifikasaun ne’e la han malu, katak millaun  $1 ba leten fó ba internasionál kompete, ida fali iha Pra-Kualifikasaun ne’e millaun U$7 mai kraik empreza  nasionál mak compete. Uar